Njimbo 120
120
Ntembezelo we bhatsho
1Mu manikano dzangu ndolilila kuna Yahwe,
kuti bandidabile.
2“Munditjidze, imwi Yahwe,
mu milomo inonyepa,
mu lulimi guzhele butjebeli.”
3Apa unowopiwani kene?
Apa ini tjaunowothamigwa kupinda kene,
iwe lulimi guzhele butjebeli?
4Misebe yakateswa ye babhayani,
ne masimbe anothuta e nti we ntshwayilo!
5Yee mme wee! Ndapalala imi nzhi mu Mesheki
ngekuti ndogala mu mishasha ye Kedari!
6Ndakagala tjibaka tjilefulefu ne bathu
pakati kwa ibabo banobenga kunyalala.
7Imi ndoshaka kunyalala,
koga ha ndilebeleka,
ibo banoshaka ngwa.
Kalanga Bible © Bible Society of Botswana, 2008, 2018.