Njimbo 121
121
Yahwe mbakilili wedu
1Ndomilidzila mesho angu ku matombo.
Apa bhatsho yangu inowodwa ngayi?
2Bhatsho yangu inodwa kuna Yahwe,
ibo bakathama kudzimu ne shango.
3Abatowoletja gumbo lilo likatedzemuka,
ibo bakakutjengeta aabatowotshumwayila.
4Ngelebeswa, ibo bakatjengeta Iziraela,
abangatshumwayile naiko ku izela dumbu.
5Yahwe ndibo ntjengeti uwo,
Yahwe ndibo ntutshi uwo ku luboko gugo gwe luji.
6Zhuba alingakuphobole masikati,
kene naiwo mwedzi busiku.
7Yahwe banowokutjengeta mu mbipo yose,
banowotjengeta butjilo gugo.
8Yahwe banowotjengeta
kubhuda kuko ne swika kuko
kudwa ngwenu kunoti nge kusingapele kose.
Kalanga Bible © Bible Society of Botswana, 2008, 2018.