Njimbo 11
11
Lumbo gwa Dafite embila ntungamili.
Kugalabgwe muna Yahwe
1Muna Yahwe ndina dizhilo;
ini mundidwa muti,
“Tizhila ku matombo se nyuni;
2ngekuti bonani,
babi banopeta matati abo.
Banolonga misebe mu matati,
kuposa balulwami mu zhalima.
3Ha miteyo yakolomogwa,
balulwami bangashingani kene?”
4Yahwe bamu Ng'umba
yabo yakayengemala.
Tjigalo tje bushe tja Yahwe tji kudzimu.
Mesho abo akalinga bathu,
kulinga kwabo koshola bathu.
5Yahwe banoshola balulwami ne babi,
babi ne banoda phipiti unobabenga
nge moyo uwe wose.
6Mu babi, unowonisila masimbe
e moto anothuta ne sibabuli.
7Ngoti Yahwe bakalulwama,
banoda mishingo yakalulwama,
bakatambunuka banowobona buso gwabo.
Kalanga Bible © Bible Society of Botswana, 2008, 2018.