Makungulupeswa 3
3
1Nkololo wangu, usitongo kangang'wa zwidiyo zwangu,
koga ulondolodze milayo yangu,
2ngobe inowokupaphidzila mazhuba ne makole awo e butjilo,
inokuzhisila kunyalala kwakapelela.
3Usitongo lashikigwa ne ludo ne malebeswa,
uzwisungilile mu ntshibha uwo,
uzwikwale mu tjileiti tje moyo uwo.
4 #
Luke 2:52
Ndizo unowowana lubu ne zina buyanana
mu mesho e Ndzimu ne e bathu.
5Galabgwe muna Yahwe ne moyo uwo wose,
usitongobiga mu hwisiso iyo koga.
6Mu zila dzidzo dzose unkudze
ndizo unotambunudza zila dzidzo dzose.
7 #
Baroma 12:16
Usitongozwibona wakatjenjela,
itja Yahwe, ufupatatile zwibiibi.
8Ikoku kowobe ndapo mu mbili
kukanyalulusa mafupa awo.
9Kudza Yahwe ne zwaunazo kose ne zwitshwa zwe nnda uwo,
10ipapo matula awo anowozhala akatebukana,
ne makukhwa awo anowotebukana ne nkumbi we zhambi.
11 #
Jobe 5:17
#
Bahebheru 12:5, 6 Nkololo wangu, usitongo lingila pasi kutjemela kwa Yahwe,
kene uka nyadziwa ngo kutjemela kwabo,
12 #
Zumbunulo 3:19
ngobe Yahwe banotjemela iye wabanoda,
sa tate mu nkololo wabo unobashathisa.
13Wakakombolegwa iye unowana butjenjedu,
ne nthu unowana ku hwisisa,
14ngobe mukuguwana kopinda kuwana siliva
ne mbuzilo yago inopinda golide.
15Guna themba inopinda ye mabgwana akanaka,
akuna tjaungayemula tjingafanidzanyiwa nago.
16Butjilo bulefu gumu luboko gwago gwe luji,
muna gwe lumeshwe kuna fumwa ne gudzo.
17Zila dzago i zila dzinoshathisa,
ne zijana dzago dzizhele kunyalala.
18Ndiwo nti we bupenyu muna banobhatilila mu guli,
ibabo banozwibhatilila muguli banodang'wa bakakombolegwa.
19Yahwe ne butjenjedu bakasika shango,
nge hwisiso bakathama zhuzhugwi,
20ne luzibo gwabo vula ika pubuka,
ne makole akaliga khawa.
21Nkololo wangu, tjengeta butjenjedu ne njalakang'wa,
zwisitongodwa pa mesho awo,
22zowobe butjilo gwe meya iyo,
ne tjinoyemulika tje ntshibha uwo.
23Ipapo unowoyenda zila iyo wakabakililika
ne gumbo lilo alitowokuthiwa.
24Ha unoizela autowotja,
ha uizela hwope dzidzo dzowokuzipila.
25Usitongotja tjimwe tjinga kupalusamoyo,
kene kulobesiwa kwe batjinyi ha kuzha,
26ngobe Yahwe ndibo banowobe kudzikama kuko,
unowotjengeta gumbo lilo kuti lisibhatshigwe.
27Usibhatilile tjakanaka kuna banotjisheta,
ha kuli mu simba lilo kukushinga.
28Usidwe mbakidzani nawe uti,
“Yenda, ubuye mangwana, ndowozha ndikupa”
Koga iwe unatjo.
29Usitongo lukila mbakisani nawe bubi
iye ugele nawe e kugalabgwe
30Usitongo gwisana ne nthu
kusina tjaakutjinya.
31Usitongo yemula nthu we phipiti,
kakale usitobele imwe ye zila dzidze
32ngobe nthu mbiimbi unoshimisa kuna Yahwe
koga nlulwami umu bhapilo lile.
33Bhiso la Yahwe limu ng'umba ye batjinyi
koga banokombolela bugalo gwe balulwami.
34 #
Jakubo 4:6; 1 Pita 5:5 Banodadila badadi
banolakidza ludo kuna banozwiyisa pasi.
35Bakatjenjela banowothuwa thaka ye gudzo
koga zwilengwe zowo bhakhwa nge shoni.
Kalanga Bible © Bible Society of Botswana, 2008, 2018.