Makungulupeswa 14
14
1Butjenjedu gobaka ng'umba yago,
koga bulengwe ne maboko ago gukaikolomola,
2Iye unoyenda nge thambunuko unotja Yahwe,
koga iye we zila dzakamonana unobalingila pasi.
3Ndebo dze tjilengwe dzotjizhisila shamu mu ikamba tjatjo,
koga milomo ye batjenjedu inowobabakilila.
4Pasina ng'ombe akuna mathunde,
koga mathunde manji anozhisiwa nge simba le ng'ombe.
5Ntendeki unogalikabwe aatonyepa,
koga ntendeki we manyepkhwa unofema manyepkhwa.
6Ndadi unoshakila butjenjedu suli,
koga luzibo gotjimbidza wanika ku nthu unohwisisa.
7Thubukana ne tjilengwe,
ngobe atjina luzibo gwatjinga kupa.
8Butjenjedu gwe wakatjenjela wulingisisa zila iye,
koga bulengwe gwe zwilengwe hwutjebela.
9Ndzimu unoshima bathu babi,
koga unoda bakalulwama.
10Moyo unoziba kugwadziwa kwawo,
kakale akuna wakashanganyila shatho nawo.
11Ng'umba ye babi inowokolomogwa,
koga nshasha we bakatambunuka unowobhudilila.
12 #
Makungulupeswa 16:25
Kuna zila inolingika yakatambunuka ku nthu,
koga bhelelo layo i zila ye lufu.
13Moyo unohwa zogwadza ne mu tjiseko
ne bhelelo le shatho tjililo.
14Nthu we meya mibi unogutshiwa nge mitjelo ye zwiyito zwizwe,
nlulwami naiye unogutshiwa nge mitjelo ye mishingo iye.
15Tjilengwe tjoduma tjimwe ne tjimwe,
koga ntjenjedu unolinga kwaanoyenda.
16Ntjenjedu unotja zwakabipa ebe ezwileya,
koga tjilengwe tjopaparika atjina njele.
17Nthu una moywana unotjimbidza ayita zwithu nge bulengwe,
koga nthu unoluka mano mabi unobengwa.
18Zwilengwe zowana thaka ye bulengwe,
koga bakatjenjela banoambadzwa tjiala tje luzibo.
19Bathu babi banothigama mbeli kwe balulwami,
babi banothigama pa mikoba ye mizi ye bakalulwama.
20Nshayi aatodiwa nenge mbakidzani naye dumbu,
koga nfumi una bazwalani basi bashoma.
21Iye unolingila pasi mbakidzani naye ntjinyi,
koga una ludo mu bashayi una kushatha.
22Ibo banoluka mano akabipa abatolashika kene?
Ibabo banoluka mano mabuya banogalikabgwe.
23Kushinga kwazo kose kuna mbayilo,
koga balabala nge nlomo koyisa ku bushayi.
24Tjiala tje bakatjenjela butjenjedu gwabo,
koga mbuyilo ye zwilengwe bulengwe gwazo.
25Ntendeki we malebeswa unotjidza bathu,
koga unoleba manyepkhwa ntjebeli.
26Mu kutja Yahwe nthu una kugalabgwe kwakasima,
ne bana babe banowobe ne dizhilo.
27Kutja Yahwe nsenya we butjilo,
kuti nthu aleye dati le lufu.
28Bukulu gwa Mambo goboneka nge bunjinji gwe bathu,
koga pasina bathu nkololo wa mambo unokolomoka.
29Iye usingagwadze moyo tjinyolotjo una hwisiso hwulu,
koga unotjimbidza kupkhwita moyo unopaphidza bulengwe.
30Meya yakatebama inopa butjilo mu mbili,
koga tjiba dzobodza mafupa.
31Iye unotshambilidza nshayi unotuka Mbumbi uwe,
koga iye una ngoni ku bashayi unokudza Ndzimu.
32Mbiimbi unowolashiwa ngekushinga bubi kukwe,
koga nlulwami unowana dizhilo ngekushinga zwibuya kukwe.
33Butjenjedu gogala mu nkumbulo we nthu una njele,
koga mu mimoyo ye zwilengwe agutozibgwa.
34Ndulamo inokudza ludzi,
koga tjibi mabhatisashoni mu ludzi gupi kene gupi.
35Nlanda unoshinga zwibuya akatjenjela unodika kuna mambo,
koga usinga shinge nge butjenjedu unozwibengesa mambo.
Kalanga Bible © Bible Society of Botswana, 2008, 2018.