Mbalo 2
2
Magalo e Baiziraela mu mishasha
1Yahwe bakadwa Mushe na Aroni bakati, 2“Baiziraela bagale mu makotokelo abo, mmwe ne mmwe nge gupo lile pana zwilakidzo zwe ng'umba dza botate babe. Babambule mishasha yabo yakakombeledza nshasha we bushanganilo.”
3-9Banobiga mishasha ku bhezhuba babe be ludzi gwa Juda, bagale ne makupo abo, bali pasi kwe ntungamili sahwoku:
| Ludzi | Ntungamili | Mbalo |
|---|---|---|
| Juda | Nashoni nkololo wa Aminadabu | 74 600 |
| Isakari | Nethanele nkololo wa Zuari | 54 400 |
| Zebuluni | Eliabu nkololo wa Holoni | 57 400 |
| Bose | 186 400 |
Be gupo la Juda ndibo banowobhuda beyenda bali bekutanga.
10-16Ku burwa kowobe be ludzi gwa Rubheni nge makupo abo, banowogala pasi kwe ntungamili wabo sahwoku:
| Ludzi | Ntungamili | Mbalo |
|---|---|---|
| Rubheni | Elizuri nkololo wa Shedeuri | 46 500 |
| Simiyoni | Shelumieli nkololo wa Zurishadayi | 59 300 |
| Gadi | Eliyasafu nkololo wa Reueli | 45 650 |
| Bose | 151 450 |
Be gupo la Rubheni banowomilika beyenda bali be bubili.
17Shule kwa ikoku kowomilika nshasha we bushanganilo ne goko le Balevi banowomilika bali pakati kwe makupo wose, banowomilika kwakafanana mu magalo abo mmwe ne mmwe nge mamo sekwa aliiko.
18-24Ku golombedzo kowomilika ba pasi kwe tjilakidzo tja Ifureimi nge makupo abo, bali pasi kwe ntungamili wabo sahwoku:
| Ludzi | Ntungamili | Mbalo |
|---|---|---|
| Ifureimi | Elishama nkololo wa Amihudi | 40 500 |
| Manase | Gamaliel nkololo wa Pedazuri | 32 200 |
| Bhenjamini | Abidani nkololo wa Gideoni | 35 200 |
| Bose | 108 100 |
Be gupo la Ifureimi banowomilika beyenda bali be butatu.
25-31Ku bunandzwa kowomilika ba pasi kwe tjilakidzo tja Dani nge makupo abo, bali pasi kwe ntungamili wabo sahwoku:
| Ludzi | Ntungamili | Mbalo |
|---|---|---|
| Dani | Ahieza nkololo wa Ammishadai | 62 700 |
| Asheri | Pagiele nkololo wa Okirani | 41 500 |
| Nafutali | Ahira nkololo wa Enani | 53 400 |
| Bose | 157 600 |
Be gupo la Dani banowomilika beyenda bali be bupelo.
32Aba ndibo bathu be Iziraela sekwa bakabagwa nge ng'umba dza botate babo bose bakabe bali mu mishasha bakabagwa nge makupo abo bakabe bali zwiwulu zwili mazana ali matathatu ana butatu ne mazana ali makumi mashanu ana makumi ali mashanu (603 550). 33Koga Balevi bakabe basabaligwa mu bathu be Iziraela Yahwe sekwa bakadwa Mushe.
34Ndizo bathu be Iziraela bakathama tjimwe ne tjimwe Yahwe sekwa bakadwa Mushe. Bakakotoka bali pasi kwe zwilakidzo zwabo, bakabhuda beyenda mmwe ne mmwe ali mu nsha uwe, kuyenda nge ng'umba ya tate babe.
Currently Selected:
Mbalo 2: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.