Jobe 9
9
1 #
Jobe 4:17
Jobe kashandula eti,
2“Nge malebeswa ndoziba kuti kwakajalo.
Koga dumbu nthu ungabe nlulwami tjini mbeli kwe Ndzimu?
3Nenguba angada kunyanyaidzana nawo,
aangatubule kuudabila bhuzo ne i nng'ompela muna dzili zwiwulu.
4Wakatjenjela kunotjenamisa ne simba lawo ligulu kwazo.
Ndiani wakatongobe nsholo unopanda kaukunda kene?
5Unosedza matombo ngono matombo kasizibe,
mu bushongola gwawo unoapitula.
6Unothama kuti shango itengenyeke mu magalo ayo,
ne phanda dzayo dzizunguzike.
7Unodwa zhuba kuti lisibhude ngono likasibhude,
unotundubadza nyenyedzi.
8Ndiwo woga unotambunudza kudzimu,
ukakanyanga mapundu e vula ye gungwa.#9:8 ukakanyanga…gungwa: kene kanyanga zhithu le gungwa.
9 #
Jobe 38:31; Amosi 5:8 Ndiwo wakathama nyenyedzi dze Jenjedzi ne Ngulube
ne Tjiyendan'gwi ne dzi ku burwa,
10iwo unothama zwithu zwikulu kupinda hwisiso ye nthu
ne matjenamiso manjinji asina mbalo.
11“Aupinda pandili anditoubona,
unodwilila upinda ngono anditoubona.
12Bonani, unodzamula tjaunoshaka ndiani ungaudziba?
Apa ndiani ungaudwa kati, ‘Mothamani?’
13“Ndzimu autodziba bushongola gwawo,
babhatshi ba Rahabhu banozwiyisa pasi kwawo.
14Dumbu imi ndingatubula kuudabila tjini wali?
Ndingawana ngayi matama kukakabadzana nawo wali?
15Nenguba ndisina nlandu andingadabidzane nawo,
ndingakumbila mahwilongoni koga mu nsumikilisi wangu.
16Nenguba ndingaudana ukadabila,
andingadume kuti wabeungateedza hwi langu.
17Ngobe unondikatsha nge tjivulamabgwe,
ukapapha mabanga kusingasheteke.
18Aungandiletje afema,
koga unondizhadza ne zogwadza.
19Ha ili kuti ndingekwe masimba, wakasima dumbu!
Ha ili ngekwe kushaka ndulamo, ndiyani ungaudanila kusumikilisiwa?
20Nenguba ndingabe ndisina nlandu,
matama angu abe ewolakidza ndili nlandu,
nenguba ndisina nlandu, unowondibona nlandu.
21Andina nlandu, koga anditjina hanya nge kwangu,
ndoshima butjilo gwangu.
22Kofanana koga, ndizo nditi,
unolobesa nlulwami koga se mbiimbi.
23Mbatsha ha dzingazhisa lufu tjinyolotjo,
unoseka nlulwami wawigwa nge mbatsha.
24Shango ha yawila mu maboko e mbi,
unosunga mesho e basumikilisi.
Ha usi iwo, ndiani ngono?
25“Mazhuba angu anolabuka kupinda tjilabuki,
anowuluka kusina ndodwa ne shatho.
26Mazhuba angu anopinda tjinyolotjo se n'goro nlelu we litokwe,
se dzu lidzamula zojiwa.
27Ha nditi, ‘Ndowokangang'wa kung'ong'ola kwangu,
nditi ndowoshandula tjiso tjangu tjakafubala ha mwemwetela,’
28ndiko kwandinotja kudziyidzika kwangu kose,
ngobe ndoziba kuti aungafe wati andina nlandu.
29Se ndowotilikiwa nlandu kale,
ndozwidziyidzilani wali?
30Nenguba ndingangula ne isipa
nditjenesa maboko angu nge isipa.
31Ipapo mowondilashila mu gomba le madakalala,
kunowoti ne zwiambalo zwangu zwikandishima.
32Ngobe aute uli nthu sami kwandingati ndingadabidzana nawo,
kwatingama mu lubazhe tikanyanyaidzana.
33Akuna n'anguli pakati gwedu,
ungama pakati kwe bubili gwedu,
34ngaaduse shamu yawo mundili
kuti ndizo kutjisa kwawo kusitongotja ndipalusamoyo.
35Ipapo ndingalebeleka ndisingautje,
koga sekwa kuli iko ngwenu akuzojalo mundili.
Kalanga Bible © Bible Society of Botswana, 2008, 2018.