Jobe 35
35
1Ipapo Elihu kati,
2“Unokumbula kuti ikoku kwakalulwama kene?
Unoti, ‘I ndulamo yangu mbeli kwe Ndzimu,’
3kwaungadzina ukaubhuzwa uti ‘Ndobuyigwa ngeni,
mu kusatjinya kwangu ikoku kene.’
4Ndowokudabila
iwe ne bakwinya babo banawe.
5Linga kuzhuzhugwi ubone,
bona makole a pezhugwi kule kule kukupinda.
6 #
Jobe 22:2, 3 Ha utjinya unobuyigwa ngeni kudwa muuli,
ha matjinyo awo ewanda kothamani kuuli?
7Apa uli nlulwami unoupani kene,
kene, unoamutjilani tjinodwa mu luboko gugo?
8Bubi gugo gotjinyila nthu koga unonga iwe,
ndulamo iyo inobhatsha bathu koga.
9“Ngekwe bunjinji gwe kutshambilidziwa bathu banolila,
banolila bekumbila bhatsho ngoti luboko gwe wakasima gubakulila.
10Koga akuna unoti, ‘Ndzimu ungayi mbumbi wangu,
iwo unombisa bathu busiku,
11iwo unotidiya kupinda phuka dze shango,
iwo unotithama kuti titjenjele kupinda nyuni dze phepho.’
12Ikoko banolilila kuuli koga autobadabila,
ngekwe mazwikudzo e bathu babi.
13Nge malebeswa, Ndzimu autoteedza kukumbila kwe suli,
Masimbawose abana hanya nako ndodwa.
14Bukulu seni ha uti autoubona,
koga ibe ne moyo nlefu tjililo tjitjo tji mbeli kwawo,
15ngoti bushongola gwawo ate gwe kuloba shamu,
kakale auna hanya ngotjinya,
16Jobe, unozhula nlomo ne matama e madatha koga,
ewatsha matama asina luzibo.”
Kalanga Bible © Bible Society of Botswana, 2008, 2018.