Isaya 52
52
Jerusalema inowosunungugwa
1 #
Zumbunulo 21:2, 27 Muka! Muka!
Zwiambadze nge kusima iwe Ziyoni,
Ambala zwiambalo zwizo zwakanaka,
iwe Jerusalema, nzi nkulu wakayengemala.
Ngoti basakathumbigwa ne bakatemapala
abatjowongina mu kuli kakale.
2Zwishashamule hwuluba.
Milika iwe ntapiwa Jerusalema.
Sunungula misungo yakakusunga mu ntshibha,
iwe nkololokadzi we Ziyoni.
3Ngoti Yahwe bakati,
“Amuzotengesiwa nge tjimwe,
ndizo mowodzutunugwa kusina mari.
4She Yahwe bakati,
Bathu bangu bakatangisa beyenda ku Egipiti kunogalako,
kukati shule Asiriya ikabatshambilidza ngono basina tjabatjinya.
5 #
Baroma 2:24
Yahwe bakati, ngono ngwenu ndobuyigwa ngeni ipapa,
bathu bangu bakatapiwa basina nlandu?
Ibabo banobabusa banokayikana zhuba lose,
zina langu lolengudziwa.
Koleba Yahwe.
6Ndizo wali bathu bangu banowoziba zina langu,
ndizo wali mu zhuba ilelo banowoziba kuti ndimi ndinoleba nditi,
‘Imi ndipano.’ ”
7 #
Nahumu 1:15; Baroma 10:15; Baefeso 6:15 Akanaka seni pezhugwi kwe matombo
makumbo eunozhisa ndebo mbuya,
iye unozhisa kunyalala,
unozhisa ndebo mbuya ndulamo,
unolebeleka ngekwe jidzo,
iye unodwa Ziyoni eti, “Ndzimu uwo unobusa.”
8Hwilila, balindili babo banomilidza mahwi
kang'ompela bepululudza nge kushatha,
ngoti nge mesho abo banobona
kubuya kwa Yahwe ku Ziyoni.
9Phutukani mose nge mpululu
imwi matongo e Jerusalema,
ngoti Yahwe bakanyaladza bathu babo,
bakadzutunula Jerusalema.
10Yahwe bakalakidza njudzi dzose
luboko gwabo gwakayengemala,
ngono midzibo yose ye shango inowobona
jidzo le Ndzimu.
11 #
2 Bakorinta 6:17
Bhuda, bhuda udwe ikoko.
Usibhate tjakatemapala.
Bhuda pakati kwawo uzwitjenapadze
iwe wakasenga zwija zwa Yahwe.
12Ngono awutowobhuda upaparika,
naiko awutowobhuda utizha,
ngoti Yahwe banowokutungamila,
Ndzimu we Iziraela unowokutjengeta shule kuko.
Kudziyila kwe nlanda
13Bona, nlanda wangu unowokunda,
unowokudziwa kamilidzigwa pezhugwi,
unowobe pezhugwizhugwi.
14Se banjinji bakakaabala bembona,
akapela asingalingike ali nthu,
mbumbiko iye isingange ye nthu.
15 #
Baroma 15:21
Ndizo unowokaabadza njudzi njinji,
bomambo banowomuma nge kukwe.
Ngoti tjabasaka budziwa, banowotjibona,
ne tjabasakahwa, banowotjihwisisa.
Kalanga Bible © Bible Society of Botswana, 2008, 2018.