Isaya 53
53
1 #
Baroma 10:16; Johani 12:38 Ndiani wakagalamoyo tjatakahwa?
Ne luboko gwa Yahwe gwakazumbunuligwa ani kene?
2Wakakulila mbeli kwabo se ntinyana ntshwa,
se n'dzi unothinila udwa pasi pakawoma.
Wakabe asina ndingiko kene bubuya kwatakabe tinganlinga,
kusina bubuya kwatingan'yemula.
3Wakalengudziwa kalambiwa nge bathu,
nlume we buyendasi wakawolobela kudziyila.
Kusina unoda kunlinga, akalengudzika
tisingantole ali tjimwe.
4 #
Matewu 8:17
Nge malebeswa wakasenga zogwadza zwedu,
kasenga ne njigwele dzedu,
koga tintola akalashiwa kalambiwa
akalobgwa nge Ndzimu, kadziyidziwa.
5 #
1 Pita 2:24
Koga wakakubadzigwa matjinyo edu
kalobegwa matjinyo edu.
Shamu yaakalobgwa ndiyo yakatitjidza,
takapodziwa nge mbonje dzidze.
6 #
1 Pita 2:25
Iswi tose tonga pkhwizi takalashika,
mmwe ne mmwe wakatobela zila iye,
ngono Yahwe bakampa nlandu
we zwibi zwedu tose.
7 #
Zumbunulo 5:6
#
Mishingo 8:32, 33 Wakadziyidziwa kahwisiwa zogwadza,
ngono kasitongo zhula nlomo uwe,
kanga pkhwizana inokwebegwa ku mbulayi,
kafanana ne pkhwizi mu maboko eunoyikera,
ndizo kasitongo zhula nlomo uwe.
8Ngotshambilidziwa ne sumikilisiwa bakantola bakayenda naye.
Ndiani ungaleba ngekwe tjizekugwana tjitje, ndiani una hanya?
Wakadusiwa mu shango ye batjili,
wakakubadzigwa matjinyo e bathu bangu.
9 #
1 Pita 2:22
Bakabiga ikumbu tjitje pana zwe babiibi,
koga mu kufa kukwe kabe muna tje nfumi,
nenguba akabe asina tjibi tjaakathama,
kwakabe kusina kutjebela mu nlomo uwe.
10Nenguba kwakabe kuda kwa Yahwe kun'gwadzisa,
bakan'gwadzisa
paakazwidusa tjibhayilo tje nlandu,
unowobona ludzi gugwe ngono kapaphidza mazhuba awe,
kuda kwa Yahwe kowowatshika munli.
11Unowobona mbhayilo we kudziila kukwe
ngono kagutshika.
Nge luzibo gugwe nlanda wangu wakalulwama
unowothama banjinji bakalulwama
ngono unowosenga zwibi zwabo.
12 #
Mako 15:28; Luke 22:37 Ndizo wali ndowompa gobe pakati kwe bana mamo,
ngono unowokobana thundu yatapiwa ne bakasima,
ngekuti wakazwipa kufa,
ngono kabaligwanyiwa ne batjinyi.
Wakasenga tjibi tje banjinji,
katembezelela bana matjinyo.
Kalanga Bible © Bible Society of Botswana, 2008, 2018.