Hoseya 11
11
Ludo gwe Ndzimu mu bathu bawo
1 #
Kufuluka 4:22; Matewu 2:15 Iziraela wakati atji mwana an'da,
nkololo wangu an'dana ku bhuda mu Egipiti.
2Koga andibadana kwazo,
ndiko kwabanoyenda tjose kule nami,
bebe bebhayila bo Bhaale zwibhayilo
bepisila midzimu ye zwifano motsha.
3Koga ndimi ndakadiya Ifureimi kuyenda
ndibathamisa tendemana,
koga abatoziba kuti ndimi ndakabapodza.
4Ndakabakweba nge mitjili ye lubu gwe buthu,
ndibakweba nge misungo ye ludo.
Ndakadusa jokwi mu mitshibha yabo
ngono hakotama kubapatjika zojiwa.
5Abatowobgwilila ku Egipiti,
koga Asiriya inowobe mambo wabo
ngoti bakalamba kushandukila ku ndili.
6Thumo lowolila mu mizi yabo mikulu
lowokolomodza phanda dze mikoba yabo,
thumo lowolila nge mabaka e ndongoloso dzabo.
7Bathu bangu bakazwimisila kundifupatila,
nenguba bedana Upezhugwizhugwi
haangabakudze.
8 #
Matama 29:23
Ndinga kutoboka tjini Ifureimi?
Ndinga kulasha tjini Iziraela?
Ndinga kuthama se Adima tjini wali?
Ndinga kuthama se Zeboyimi tjini?
Moyo wangu washanduka mundili,
ngoni dzangu dzakula mukuli.
9Anditowoshingikadza bushongola gwangu gunotjisa,
kene kuli kolomola Ifureimi.
Ngoti ndi Ndzimu ate ndili nthu,
ndi Wakayengemala pakati kwenyu.
Anditowozha ndakagwadza moyo.
10Banowotobela Yahwe,
iye unowobomba se shumba.
Unowoti ebomba,
bana babe banowozha betetema kudwa ku golombedzo.
11Banowozha betetema se nyuni kudwa ku Egipiti,
se njiba kudwa ku shango ye Asiriya.
Ngono ndowobagadza mu mizi yabo, kojalo Yahwe.
12Ifureimi wakandikomba nge manyepkhwa,
Baiziraela ibo nge kutjebela.
Koga Juda utjayendayenda ne Ndzimu,
unogalika moyo kuna Wakayengemala.
Kalanga Bible © Bible Society of Botswana, 2008, 2018.