Hoseya 12
12
1Ifureimi wakalisa phepo,
unotatamila phepo ye kubhezhuba zhuba lose,
bebe bewatsha manyepkhwa ne kumukilana.
Unothama nshanganyila ne Asiriya,
ebe etumila mafuta e thoba ku Egipiti.
2Yahwe bana nlandu wabanopa Juda,
banowoloba Jakubo shamu kuyendidzana ne mipanga iye
bebe benlipa kuyendidzana ne mija iye.
3 #
Kutangisa 25:26
#
Kutangisa 32:24-26
Mu tjibumbilo wakabhata nkulu uwe nge itshitshino,
kati abe nlume kadzulana ne Ndzimu.
4 #
Kutangisa 28:10-22
Wakadzulana ne ntumwa we kudzimu kakunda,
kalila kakumbila makombolelo.
Kashangana naye ku Bhetele,
ngono kalebeleka naye ikoko.
5Yahwe Ndzimu Masimbawose,
zina labo ndi Yahwe!
6Koga iwe bgwilila ku Ndzimu uwo,
usimise mu ludo nemu ndulamo,
ulindile Ndzimu uwo usinganyale.
7Nseyenyi unoshingisa zwilizanyo zwisiizo
unoda kutjebela.
8Ifureimi unozwikudza eti, “Ahaa ndakafuma,
ndakazwikubunganyila fumwa.
Mu fumwa yangu yose iyeyi,
akuna nlandu wabangawana ungabe tjibi.”
9 #
Zwipo 23:42, 43 Ndimi Yahwe Ndzimu uwo,
kudwa ku shango ye Egipiti,
ndowothama kuti mugale mu mishasha kakale
se mu misi ye mizano yenyu yakabigwa.
10Ndakalebeleka ne balebesambeli,
ndimi ndakawatsha mibono
adiya nge zwifaniso ndibo.
11Bubi guyapo mu Giliyadi,
bathu bako abateli tjimwe.
Mu Giligala banothama zwibhayilo zwe mikono.
Zwibeso zwabo zowonga matuluthulu e mabgwe
mu ngolo dze nnda.
12 #
Kutangisa 29:1-20
Jakubo wakatizhila ku shango ya Aramu,
ngono ikoko Iziraela kashingila kuwana nkadzi,
malobolo awe akabe kulisa pkhwizi.
13 #
Kufuluka 12:50, 51 Yahwe bakashingisa nlebesambeli kuzhisa Iziraela edwa ku Egipiti,
bakashingisa nlebesambeli kuntjengeta.
14Koga Ifureimi wakanditanga kwakabipa,
ndizo wali Yahwe banowonkhiga nlandu we kutebula malopa
ngono banowonlipa nge kulengudzika.
Kalanga Bible © Bible Society of Botswana, 2008, 2018.