Bagalatiya 2
2
Paulo ne batumwa bamwe
1 #
Mishingo 11:30; 15:2 Shule kwe makole ali gumi lina manna (14), ndakayenda kakale ku Jerusalema ndina Bhanabhasi na Tito. 2Ndakayenda, ngobe Ndzimu wakandizumbunulila kuti ndiyendeko. Ndakatjenesela batungamili pakasumbikala ngekwe ndebo mbuya yandinosumikilila Bezwitjaba. Ndakathama saikoko ngobe ndakabe ndisingade kuti nshingo wangu wandakashinga ne wandinoshinga ngwenu usibe suli. 3Nanga Tito iye wandakabe ndi naye, aazokombeledzwa kuthumbigwa, nenguba ali N'giriki. 4Ikoku kwakashingikala ngobe zwikamu zwe manyepkhwa zwakangina mu gubungano ledu nge butjakwani, bali shodzi, kuti babone kusununguka kwatinako muna Kirisiti Jesu. Bakabe beshaka kutithama balanda, 5koga kuti ndizo malebeswa e Ndebo mbuya abiganyike mu muli, atizodumana nabo.
6 #
Matama 10:17
Ngono ibabo bakabe bekaiwa bali bapezhugwi, tjabakabe bali itjo aatjitodwa tjimwe kundili, Ndzimu auna shalaulo, bathu ibabo akuna tjimwe tjabakapapha mundili. 7Koga mu bumo gwa ikoku bakabona kuti Ndzimu wakandipa nshingo we kusumikila ndebo mbuya kuna basakathumba koga sekwa kwakapiwa Pita nshingo we kusumikila ndebo mbuya kuna bakathumbigwa, 8ngobe Ndzimu sekwa wakatungamila Pita mu nshingo uwe se ntumwa kuna bakathumbigwa wakanditungamilabo mu nshingo wangu we butumwa kuna Bezwitjaba.
9Jakubo, na Pita na Johani, ibabo bakabe betogwa bali nshongoshongo wakabhata mbadu, bakati babona ngoni dzandakathamigwa nge Ndzimu, bakatibhata maboko, imi na Bhanabhasi kuli tjilakidzo tjekuti tibang'ompela, iswi tishinge pakati kwe Bezwitjaba, ngono ibo bashinge pakati kwe bakathumbigwa. 10Tjabakakumbila koga hwuti tikumbule bashayi, itjo tjithu tjandakabe#2:10 tjandakabe: Kene “tjandabe.” nditukutilila tjishinga.
Paulo unotjemela Pita ku Antiyoki
11Koga Pita wakati azha ku Antiyoki, ha n'nyanyayidza pa mesho e mmwe ne mmwe ngobe wakabe etjinya. 12Kwakati bathu bakatumwa ndi Jakubo basathu bakaswika ikoko, Pita wakabe eja ne Bezwitjaba. Koga bathu ibabo bakati batjizha, kazwithubukanya ne Bezwitjaba kasitjaje nabo, ngobe wakabe etja goko lebakathumbigwa. 13Ngono bamwe Bajuta bakakuzhuka mu bupitipiti gwa Pita; ngono na Bhanabhasi kalashiwa nge kutobelela bupitipiti gwabo. 14Ndakati ndibona kuti abatoshinga bali mu ndongoloso ye malebeswa e ndebo mbuya, ati kuna Pita mbeli kwabo bose, “Iwe u Njuta, koga unotjila se we zwitjaba. Ungakombeledza Bezwitjaba kutjila se Bajuta tjini wali?”
15Iswi ti Bajuta ngozwagwa, ate tili Bezwitjaba batjinyi, 16#Njimbo 143:2; Baroma 3:20; Baroma 3:22toziba kuti nthu atolulwamisiwa ngolondolodza nlayo, unolulwamisiwa ngogalamoyo muna Jesu Kirisiti. Ndizo naswibo takagalamoyo muna Kirisiti Jesu, kuti tilulwamisiwe ngogalamoyo muna Kirisiti, kusi nge kulondolodza tjinoshakwa nge nlayo. Ngolondolodza tjinoshakwa nge nlayo akuna ungalulwamisiwa.
17Ndizo ha tishaka kululwamisiwa muna Kirisiti, koga tiwang'wabo tili batjinyi, apa ikoku kodwa kuti Kirisiti unokudza jinyo kene? Dumbu akuzojalo! 18Ha ndibaka kakale tjandakakolomola, ipapo ndowobe ndilakidza kuti ndotjuluka nlayo. 19Ngekwe nlayo ndakafa, ndibulawa nge nlayo, kuti nditjilile Ndzimu. 20Ndakabambugwa na Kirisiti, ndizo akutji imi ndinotjila, koga ndi Kirisiti unotjila mundili. Butjilo gwandinotjila ngwenu mu nyama, ndotjila nge kugalamoyo mu Nkololo we Ndzimu, iye wakandida, kakale wakandifila. 21Anditolamba ngoni dze Ndzimu, koga ha nthu elulwamisiwa mbeli kwe Ndzimu nge nlayo, kodwa kuti Kirisiti wakafila suli.
Kalanga Bible © Bible Society of Botswana, 2008, 2018.