Bagalatiya 3
3
Kulondolodza nlayo kene bugalimoyo
1Zwilengwe ndimwi zwe Bagalatiya! Ndiani wakamulowa kene? Pa mesho enyu makabona ndakidzo mbuyanana yekubambugwa kwa Jesu Kirisiti! 2Ndoshakaziba tjithu tjing'ompela koga nge kwenyu: Apa makaamutjila Meya ngolondolodza nlayo kene nge kugalamoyo muna tjamakahwa? 3Mungabe zwilengwe kungapa kene! Makatangisa nge Meya, ngono ngwenu apa moshaka kupeleledza nge matatabuko e tjinyama kene? 4Apa makazwidziyidza kungapa ngapa muzwidziyidzila suli kene? Ndodwa ha ili kuti dumbu i suli. 5Apa Ndzimu unomupa Meya, ukathama makaabadzo pakati kwenyu ngobe mulondolodza nlayo, kene ngobe mugalamoyo tjamakahwa?
6 #
Kutangisa 15:6; Baroma 4:3 Kumbulani Abhurahama; “Wakagalamoyo mu Ndzimu, ngono Ndzimu wakantola ali nlulwami.” 7#Baroma 4:16Ndizo mobona kuti bathu be kugalamoyo ndibo bana ba Abhurahama. 8#Kutangisa 12:3Hwalo* dze Ndzimu dzakabonela mbeli kuti, Ndzimu unowolulwamisa Bezwitjaba nge kugalamoyo. Ndizo hwalo dzikasumikila ndebo mbuya kuna Abhurahama dziti, “Zwitjaba zose zowokombolegwa nge kuko.” 9Ndizo ibabo bana kugalamoyo banokombolegwa na Abhurahama n'galimoyo.
10 #
Matama 27:26
Ibabo banogalabgwe mu kulondolodza nlayo banotjilila pasi kwe bhiso. Ngobe kwakakwagwa kuyi, “Una bhiso mmwe ne mmwe usingadwilile ngothama tjimwe ne tjimwe tjimu lukwalo gwe nlayo!” 11#Habakuku 2:4Ngwenu kupatjena kuti akuna unolulwamisiwa mbeli kwe Ndzimu nge kulondolodza nlayo, ngobe “Nlulwami unowotjila nge kugalamoyo.” 12#Zwipo 18:5Koga nlayo auzoteyegwa pezhugwi kwe kugalamoyo, ngobe “Iye unoshinga mishingo iyeyo unowotjila ndiyo.”
13 #
Matama 21:23
Kirisiti wakatidzutunula mu bhiso le nlayo nge kube pasi kwe bhiso mubumo gwedu, ngobe kwakakwagwa kuyi, “Una bhiso mmwe ne mmwe unobambugwa mu nti,” 14kuti muna Kirisiti Jesu kukombolegwa kwa Abhurahama kube muna Bezwitjaba, kuti nge kugalamoyo tiamutjile Meya yakagadziwabgwe nge Ndzimu.
15Zwikamu zwangu, imani ndimupe tjilakidzilo nge ndebeleko yakawolobeleka: Ha tjidumano tjathamiwa tjikadumaniwa, akuna ungatjitjuluka kene ungatjipaphidza. 16Ngwenu, Ndzimu wakagadzabgwe Abhurahama ne mwana uwe. Nkwalo wakayengemala autoti “Ne bana,” udwa bali banjinji, koga ukati “Mwana” udwa nthu nng'ompela koga, iye Kirisiti. 17#Kufuluka 12:40Tjandinodwa hwuti, Ndzimu wakathama tjidumano na Abhurahama, kakale wakagadzabgwe kutjilondolodza. Nlayo wakazha shule kwe makole ali mazana manna ana makumi matatu (430), aungakolomodze tjidumano itjetjo kene kuli kukolomodza tjagadziwabgwe. 18#Baroma 4:14Ha tjipo tje Ndzimu tjizha nge nlayo, atjitji tje kugadzabgwe. Koga Ndzimu wakapa Abhurahama tjipo nge kun'gadzabgwe.
Nshingo we nlayo ne we kugadzabgwe
19Ngono ngwenu nlayo iwo kee, nshingo wawo wakabe ulini? Wakapapha ngekwe jinyo, kudzina mwana wa Abhurahama, iye wakapiwa kugadzabgwe ezha. Nlayo wakashinga nge batumwa be kudzimu nge tjibanga. 20Koga tjibanga ate tjili milile nthu nng'ompela koga, ngono Ndzimu nng'ompela.
21Apa ikoku kodwa kuti nlayo unonyanyayidzana ne kugadzabgwe kwe Ndzimu kene? Akutodwa kujalo! Ha bathu bakabe babigigwa nlayo ungabapa butjilo, ipapo tingabe takathamwa balulwami nge kulondolodza nlayo. 22Koga Hwalo dze Ndzimu dzoleba kuti shango yose ipasi kwe simba le jinyo, kuti ndizo tjakagadziwabgwe muna Jesu Kirisiti tjipiwe ibabo banogalamoyo.
23Koga kugalamoyo kwakati kusathu kukazha, takabe takasungwa nge nlayo kudzina kugalamoyo kuzumbunugwa. 24Ndizo nlayo wakabe ntjengeti wedu kudzina Kirisiti ezha, kuti ndizo tilulwamisiwe nge kugalamoyo. 25Ngwenu se kugalamoyo kwatjizha, atitji pasi kwe simba le nlayo, 26nge kuti mose mu bana be Ndzimu nge kugalamoyo muna Kirisiti Jesu. 27Ngobe bose benyu bakadubikiwa muna Kirisiti, bakaambala Kirisiti. 28Akuna kuthubukana pakati kwe Njuta ne N'giriki, nlanda kene nsununguki, nthu we tjilume kene we tjikadzi, ngobe mu bang'ompela koga muna Kirisiti Jesu. 29#Baroma 4:13Ha muli ba Kirisiti, kodwa kuti mu bana ba Abhurahama, ndizo mowoamutjila tjamakagadziwabgwe nge Ndzimu.
Kalanga Bible © Bible Society of Botswana, 2008, 2018.