Bagalatiya 1
1
1Ndimi Paulo, ntumwa wa Jesu, imi ndisakadang'wa ne nthu kube ntumwa, koga ndakadang'wa ndi Jesu Kirisiti ne Ndzimu Tate, ibo bakammusa mu bafi, ne 2zwikamu zose zwingeno todumilisa makubungano e Galatiya titi;
3Ngoni ne kunyalala kunodwa ku Ndzimu Tate na She Jesu Kirisiti ngakube namwi.
4Kirisiti iye wakazwipa kube tjibhayilo tje matjinyo edu, kutisunungula mu bubi gwe misi ino, kuli kuda kwe Ndzimu Tate bedu. 5Ngabakudziwe nge kusingapele kose. Ngakujalo.
Ndebo mbuya ing'ompela
6Ndotjenamisiwa nge kuti, tjinyolotjo motjisiya iye wakamudana nge ngoni dza Kirisiti,#1:6 nge ngoni dza Kirisiti: Dzimwe hwalo dza ntolo dze Bhaibhili dzina “nge ngoni dzidze.” mutobela ndebo mbuya ipoga, 7kusingadwe kuti kuna imwe ndebo mbuya, koga kuna bamwe banomudziyidza, beshaka kuleyanya ndebo mbuya ya Kirisiti. 8Kene kuli iswi, kene ntumwa we kudzimu ha angamusumikilila imwe ndebo mbuya ipoga, kusi iyeyi yatakamusumikilila, ngaabe ne bhiso. 9Sekwa takaleba kutanga, nditjaleba kakale nditi, ha kuli kuti kuna mmwe unomusumikilila ndebo mbuya ipoga inoleyana ne yamakaamutjila, ngaabe ne bhiso.
10Apa ndoshaka kudiwa nge bathu kene nge Ndzimu? Kene ndogwisa kushathisa bathu? Ha ndabe nditjashathisa bathu, ndobe ndisi nlanda wa Kirisiti.
Paulo sekwa akabe ntumwa
11Ndoshaka kuti muzibe etji zwikamu, kuti ndebo mbuya yandakasumikila ate ili ndebo mbuya yakazwithamigwa koga nge bathu. 12Andizo i amutjila idwa mu nthu, kakale akuna wakandidiya iyo, koga ndaka i amutjila ili zumbunulo inodwa kuna Jesu Kirisiti.
13 #
Mishingo 8:3; 22:4, 5; 26:9-11 Ngobe makahwa sekwa ndakabe nditjila mu tjilenje tje Bajuta, sekwa ndakadziyidza kwazo gubungano le Ndzimu ndishaka kulikolomola, 14#Mishingo 22:3ndakabe ndakasima mu tjilenje tje Bajuta kupinda thaka dzangu mu bathu ba kanyi kwangu, ndakalonga meya nge buzhalo mu zwilenje zwa bobatategulu.
15 #
Mishingo 9:3-6; 22:6-10; 26:13-18 Koga Ndzimu iwo wakandishalula ndisathu azwagwa, ukandidana nge ngoni dzawo, 16wakashathila kundizumbunulila Nkololo wawo, kuti ndisumikile nge kukwe kuna Bezwitjaba. Akuna nthu wandakakumbuludzana naye, 17kakale andizotongoyenda ku Jerusalema, kuna ibabo bakashagwa bali batumwa ba Jesu kunditangila, koga ndakayenda tjinyolotjo ku Arabhiya, adwa abgwilila ku Damasiko. 18#Mishingo 9:26-30Ngono kwakati shule kwe makole matatu ayenda ku Jerusalema kunokumba Pita. Ndakagala naye mazhuba ali gumi lina mashanu. 19Akuna mmwe ntumwa wandakabona kakale kuzhe kwa Jakubo,#1:19 Akuna…Jakubo: Kene “Mmwe ntumwa koga wandakabona wakabe ali Jakubo.” nnung'una wa She.
20Tjandinokwala malebeswa mbeli kwe Ndzimu. Anditonyepa!
21Shule kwa ipapo ndakayenda ku mituthu ye Siriya ne Silisiya. 22Be makubungano a Kirisiti mu Judiya bakabe basathu bakandibona. 23Bakabe behwa kulebgwa koga kuyi: “Nlume wakatongobe etidziyidza, ngwenu unosumikila bugalimoyo gwaakatongo gwisa kukolomodza!” 24Ndizo bakakudza Ndzimu nge kwangu.
Kalanga Bible © Bible Society of Botswana, 2008, 2018.