Kufuluka 20
20
Milayo ili gumi
(Matama 5:1-21)
1Ngono Ndzimu ukaleba matama wose iyawa ukati, 2“Ndimi Yahwe Ndzimu uwo, iye wakamudusa mu shango ye Egipiti, kudwa mu ng'umba ye bulanda.
3“Usitongobe ne mimwe midzimu ipoga kuzhe kwangu.
4 #
Kufuluka 34:17; Zwipo 19:4; 26:1; Matama 4:15-18; 27:15 “Usitongo zwithamigwa midzimu yakabezhiwa, kene tjili ifano tje tjimwe tje zhuzhugwi, kene tjimwe tjimu shango pasi, kene tjimwe tjimu vula kusi kwe shango. 5#Kufuluka 34:6, 7; Mbalo 14:18; Matama 7:9, 10Usitongo ikotamila kene kuli kuinamata ngoti imi Yahwe Ndzimu uwo ndi Ndzimu una fupa, ndolobela bana shamu milandu ya botate babo kunoti mu tjizekugwana tje butatu ne tje bunna tja ibabo banondibenga. 6Koga ndolakidza ludo gusingazunguzike kuna bali zwiwulu banondida banolondolodza milayo yangu.
7 #
Zwipo 19:12
“Usitongo danila zina la Yahwe Ndzimu uwo suli ngobe Yahwe abatowonshaya nlandu iye unodanila zina labo suli.
8 #
Kufuluka 16:23-30; 31:12-14 “Kumbula zhuba le Sabata kuliyengemadza. 9#Kufuluka 23:12; 31:15; 34:21; 35:2; Zwipo 23:3Mu mazhuba ali matathatu ushinge nshingo uwo wose, 10koga zhuba le butendeka izhuba le kunyaluluka la Yahwe Ndzimu uwo; mu lili usitongo shinga nshingo kene uli upi, iwe kene nkololo uwo kene nkololokadzi uwo kene nlanda uwo kene nlandakadzi uwo kene ng'ombe dzidzo kene mwezi umu nzi uwo. 11#Kutangisa 2:1-3; Kufuluka 31:17Ngoti mu mazhuba ali matathatu Yahwe bakabumba kudzimu ne shango ne gungwa ne zwithu zose zwimu zwili ngono bakanyaluluka mu zhuba le butendeka, ndizo Yahwe bakakombolela zhuba le Sabata kakale bakaliyengemadza.
12 #
Matama 27:16; Matewu 15:4; 19:19; Mako 7:10; 10:19; Luke 18:20; Baefeso 6:2;
Baefeso 6:3
“Teta tate babo na mmeyabo kuti ndizo mazhuba awo abe manji mu shango yaunopiwa ndi Yahwe Ndzimu uwo.
13 #
Kutangisa 9:6; Zwipo 24:17; Matewu 5:21; 19:18; Mako 10:19; Luke 18:20; Baroma 13:9; Jakubo 2:11 “Usitongo bulaya.
14 #
Zwipo 20:10; Matewu 5:27; 19:18; Mako 10:19; Luke 18:20; Baroma 13:9; Jakubo 2:11 “Usitongo thama bupombgwe.
15 #
Zwipo 19:11; Matewu 19:18; Mako 10:19; Luke 18:20; Baroma 13:9 “Usitongo kwiba.
16 #
Kufuluka 23:1; Matewu 19:18; Mako 10:19; Luke 18:20 “Usitongo pa butendeki gwe manyepkhwa ngekwe mbakidzani uwo.
17 #
Baroma 7:7; 13:9 “Usitongo yemula ng'umba ye mbakidzani uwo. Usitongo yemula nkadzi we mbakidzani uwo kene nlandalume uwe kene nlandakadzi uwe kene ng'ombe iye kene donki iye kene tjimwe tje mbakidzani uwo.”
Lutjo gwe bathu
(Matama 5:22-33)
18 #
Bahebheru 12:18, 19 Kwakati bathu bebona matutu ne kudadamula kwe vula ne kupenya kwayo ne kulila kwe lunyanga, ne dombo lithungayila busi bakatja bakatetema, ngono bakamila kutjena. 19Bakadwa Mushe bakati, “Lebeleka naswi iwe, ngono towohwilila, koga Ndzimu usitongolebeleka naswi, tingadwa tifa.”
20Ngono Mushe kashandula bathu eti, “Musitje ngobe Ndzimu wazha kuwomulika kuti ndizo tjiwa kwawo kube mu muli, kuti ndizo musithame tjibi.” 21Bathu bakamila kutjena, Mushe iye kabe esedzela pejo ku zhalima lakati zwititi Ndzimu pawakabe ulipo.
Nlayo we tjibeso tjinopisigwa zwibhayilo
22Yahwe bakadwa Mushe bakati, “Udwe Baiziraela uti, ‘Mazwibonegwa kuti ndalebeleka namwi kudwa kudzimu. 23Musitongo thama midzimu ye siliva kuibapisa nami, nenguba ili ye golide. 24Undithamile tjibeso tjinopisigwa zwibhayilo nge vu ngono undipile zwibhayilo zwinopisiwa ne zwibhayilo zwe mbakisano zwili zwe pkhwizi dzidzo ne ng'ombe dzidzo mu magalo mamwe ne mamwe kwandinothama zina langu kuti likumbugwe. Ndowozha ku kuli akukombolela. 25#Matama 27:5-7; Joshuwa 8:31Koga ha undithamila tjibeso tjinopisigwa zwibhayilo nge mabgwe, usitongo tjibaka nge mabgwe akabezhiwa, ngoti aumilidzila mbezhwana iyo pezhugwi kwalo walitemapadza. 26Usitongotathila pezhugwi kwe tjibeso tjangu tjinopisigwa zwibhayilo nge zwitubhu kuti mbujo iyo isibe patjena pezhugwi kwatjo.’ ”
Currently Selected:
Kufuluka 20: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
