Kufuluka 21
21
Kubhakhwa kwe balanda
(Matama 15:12-18)
1“Eyi ndiyo milayo yaunowopa Baiziraela: 2#Zwipo 25:39-46Uti watenga nlanda we N'hebheru, ashinge makole ali matathatu, kuti muna le butendeka asununguke asina tjaanolipa. 3Ha akazha asakalobola, ngaayende ali ega asina nkadzi, ha akazha akalobola, nkadzi uwe ngaayende naye. 4Ha tetshi we nlanda iwoyu angampa nkadzi ngono nkadzi iwoyo kan'wanila bakololo kene bakololokadzi, nkadzi ne bana nge ba tetshi uwe, iye ngaayende ali ega. 5Koga ha nlanda angazwilebegwa eti, ‘Ndoda tetshi wangu ne nkadzi wangu ne bana bangu, anditoshaka kusununguka,’ 6ipapo tetshi uwe ngaayise nlanda ku basumikilisi, pa nkoba kene pa gwasayile le nkoba ngono tetshi uwe ampubule zebe nge lunji, ndizo unowobe nlanda uwe butjilo gugwe gose.”
7“Ha nlume etengesa nkololokadzi uwe kube nlandakadzi, iye aatowosunungugwa se we tjilume. 8Ha asingashathise tetshi uwe, iye wakanzwishalulila, anletje adzutunugwe, tetshi uwe aana fanilo dze kuntengesa ku bataya ngobe asakagalikabgwe kunli. 9Ha anshalulila nkololo uwe, ambhate se nkololokadzi uwe. 10Ha angalobola mmwe nkadzi, asitongo tapudza tjilizanyo tje zojiwa zwe nkadzi we kutanga kene zwiambalo zwizwe, ne fanilo dzidze mu ndobolo. 11Ha asinganthamile izwezwi zwithu zwitatu, nkadzi iwoyu ngaayende akasununguka kusina ndipo ye mari.”
Milayo ngekwe kubadzana
12 #
Zwipo 24:17
“Iye unowoloba nthu kafa ngaabulawe. 13#Mbalo 35:10-34; Matama 19:1-13; Joshuwa 20:1-9Koga ha nthu angabulaya mmwe abe asakazwimisila, koga Ndzimu waletja kuti kushingikale, ngaatizhile ku bugalo gwandinowobe ndashalula. 14Koga ha nthu angamukila mmwe kambulaya mwaza, un'duse pa tjibeso tjangu tjinopisigwa zwibhayilo kuti abulawe.
15“Iye unoloba tate babe kene mmeyabe ngaabulawe.
16 #
Matama 24:7
“Iye unokwiba nthu kuntengesa kene angawang'wa ali mu maboko awe, ngaabulawe.
17 #
Zwipo 20:9; Matewu 15:4; Mako 7:10 “Iye unolonga bhiso tate babe kene mmeyabe ngaabulawe.
18“Ha balume bangagwa ngono mmwe ebe eloba mmwe nge bgwe kene nge veisi koga walobgwa kasife ebe etola tjibaka ali lele egwala, 19ha iwoyu walobgwa angamuka kayenda nge ludozo gugwe iwowuja wakanloba unowosununguka, koga unowolipa tjibaka tjakalashikila waakaloba, abone kuti unopola nge malebeswa.
20“Ha nthu angaloba nlandalume uwe kene nlandakadzi uwe nge lukombo ebe efila mu maboko awe, ngaalobgwe shamu. 21Koga ha nlanda iwoyo angatjila kwe zhuba kene mazhuba mabili, tetshi uwe ngaasilobgwe shamu ngoti nlanda uwe wakantenga.
22“Ha balume bangati begwa bakakubadza nkadzi wakazwisenga kube kuyita kuti ashete, koga asakubala kwazo, iwoyo wankubadza ngaalipe kuyendidzana nge themba yabigwa nge nlume we nkadzi iwoyo, ili themba inoamutjilika ku basumikilisi. 23Koga ha tjibiibi tjingawila nkadzi iwoyo, butjilo ngagumisigwe nge butjilo, 24#Zwipo 24:19, 20; Matama 19:21; Matewu 5:38zhisho limisigwe nge zhisho, zhino nge zhino, tjiazha nge tjiazha, gumbo nge gumbo, 25lutshwa nge lutshwa, mbonje nge mbonje ne shamu imisigwe nge shamu.
26“Ha nlume angaloba nlandalume kene nlandakadzi uwe mu zhisho kankopola ngaaletje nlanda iwoyo ayende asununguke ngekwe zhisho lile. 27Ha angadusa nlandalume kene nlandakadzi uwe bende ngaanletje ayende akasununguka ngekwe zhino lile.
Mazwidabiligo a botetshi
28“Ha ng'ombe ingabhaya nlume kene nkadzi kafa, ngaikikithidziwe nge mabgwe ife, nyama yayo isitongo jiwa, koga mweni wayo iye asitilikwe nlandu. 29Koga ha ili kuti ng'ombe iyeyo yagala ibhaya, ngono mweni wayo akakumbuludziwa kabe asinga izhalilile ngono ibe ibulaya nthu inowokikithidziwa nge mabgwe ikabulawa, mweni wayo na iyebo abulawe. 30Ha angalipisiwa, ngaadzutunule butjilo gugwe nge kulipa themba yaabigigwa. 31Ha ingabhaya nkololo kene nkololokadzi we mmwe nthu ngakutogwe thambo inofanana. 32Ha ng'ombe iyeyi ingabhaya nlandalume kene nlandakadzi, mweni wayo ngaaduse shekele dze siliva dzili makumi matatu adzipe mweni we nlanda, ng'ombe iyo ikikithidziwe nge mabgwe ibulawe.
33“Nthu ha angasiya gomba lilimwadzi kene angatsha gomba kasilivukidze ngono ng'ombe kene donki ibe iwila mulili, 34ngaalipe nge mari mweni we ithuwo tjawila mu gomba, ngono iye atole ithuwo itjetjo tjafa tjibe tjitje. 35Ha ng'ombe ye nthu ingabhaya ye mmwe ikafa, ngabatengese iyeyi inotjila ngono bakobane themba yayo, yafa naiyo baikobane. 36Koga ha ili kuti ng'ombe yabulaya imwe yagala izibgwa ngobhaya koga mweni wayo asingaizhalilile, ngaalipe ng'ombe yafa nge ng'ombe inotjila, ngono yafa ibe iye.”
Currently Selected:
Kufuluka 21: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
