2 Bakorinta 3
3
Balanda be Tjidumano tjitshwa
1Apa tatangisa kuzwikudza kakale kene? Kene tonga bamwe bathu banoshaka hwalo dzinomuzibisa kuti ndiswi boani, kene dzinodwa kumuli dzizibisa bamwe kuti ndiswi kene. 2Imwi nge kwenyu, mu lukwalo gwedu, gwakakwagwa mu mimoyo yedu, gunozibgwa ne gunobagwa ne mmwe ne mmwe. 3#Kufuluka 24:12; Jeremiya 31:33; Ezekiele 11:19; 36:26Molakidza kuti mu lukwalo gunodwa kuna Kirisiti guzha ndiswi, gusakakwagwa nge inki, koga gwakakwagwa nge Meya ye Ndzimu unotjila. Gusakakwagwa mu mabgwe, koga gwakakwagwa mu mimoyo ye bathu.
4Ikoku ishaladuko yatinayo ngekwa Kirisiti mu Ndzimu. 5Kusingadwe kuti takalizanila nge kwedu kwatingati tjimwe ne tjimwe tjodwa mutili, kulizanila kwedu kodwa ku Ndzimu, 6#Jeremiya 31:31iwo wakatithama kulizanila kube bashingile be Tjidumano tjitshwa, tjisi tje nlayo wakakwagwa, koga tje Meya. Ngobe nlayo wakakwagwa unobulaya, koga Meya inopa butjilo.
7 #
Kufuluka 34:29
Ngwenu ha kushingila kunozhisa lufu kwakakwagwa mu mabgwe, kwakazha nge tjedza tjingapa, tjakayita Baiziraela kuti basilinge Mushe mu buso, nenguba kupenya ikoku kwakabe kopela, 8apa kushingila kwe Meya akungabe nge tjedza tjikulu kupinda kene? 9Ha kwakabe kuna tjedza mu kushingila kunolobesa, kushingila kwe ndulamo kwakafanila kupinde nge tjedza. 10Nge malebeswa ipapa tjakabe tjina tjedza atjitjina tjedza, ngwenu kwatjibe ne tjedza tjinotjikulila. 11Ngobe ha ili kuti kunopinda kwakazha nge tjedza, kunogalila tjose kwakafanila kube nge tjedza tjikulu.
12Se tina kugalabgwe kwakajali, tina tjilopa. 13#Kufuluka 34:33Atitonga Mushe, iye wakabe ekwididza buso gugwe nge jila kuti Baiziraela basibone bhelelo le tjedza tjakabe tjipela. 14Koga mikumbulo yabo yakabe yakakukutala, ngobe na nasi ha bebala Tjidumano tjikulukugwi jila ilelije litjiyapo halizofukunugwa, ngobe lofukunugwa ndi Kirisiti koga. 15Ee, kuswikila nasi ha bebala nlayo jila lokwididza mikumbulo yabo, 16#Kufuluka 34:34koga ha nthu eshandukila kuna She, jila ileli lofukunugwa. 17Ngwenu, She ndibo Meya, ngono pana Meya ya She, pana sununguko. 18Ngono iswi tose be njiso dzakafukunugwa tilakidza tjedza tja She, toshandugwa kunga iye ne tjedza tjinokula misi yose, ngobe ikoku kodwa muna She iye Meya.
Kalanga Bible © Bible Society of Botswana, 2008, 2018.