1 Johani 3
3
Bana be Ndzimu
1 #
Johani 1:12
Bonani kuti Tate bakatida nge ludo gungapani, kwatinodang'wa bana be Ndzimu! Koga malebeswa tibana bawo. Shango aitotiziba, ngobe aizotongo ziba Ndzimu. 2Badiwa, tibana be Ndzimu sangwenu. Akuthu kukatjena kuti towobeni, koga toziba kuti nsi waanozha towobe tinga iye, nge kuti towombona ali sekwa agele. 3Mmwe ne mmwe unogalabgwe munli nge zila iyeyi unozwitjenapadza ebe mbuyanana sa iye ali mbuyanana.
4Mmwe ne mmwe unotjinya unotjuluka nlayo; ngobe jinyo hwutjuluka nlayo. 5#Johani 1:29Moziba kuti Jesu wakazhila kudusa matjinyo edu, ngono iye nge kukwe aana jinyo. 6Akuna unontjilila unodwilila ngotjinya. Iye unodwilila nge kutjinya aazombona kene kuli kunziba.
7Bana bangu, kushaye wamutjebela. Iye unothama ndulamo wakalulwama koga sa Kirisiti akalulwama. 8Iye unotjinya nge wa Satani, ngobe Satani wakatjinya kudwa mu kutangisa. Nkololo we Ndzimu wakazhila kuwolobesa mishingo ya Satani.
9Akuna mwana we Ndzimu unotjinya, ngobe mbumbiko ye Ndzimu igele munli, ngono aangatjinye ngobe mwana we Ndzimu. 10Woku ndiko sekwa tinoziba bana be Ndzimu ne bana ba Satani; Iye unothama tjisakalulwama ate ali we Ndzimu, naiye usingade ikamu tjitje.
Danani
11 #
Johani 13:34
Ndebeleko yamakahwa mu kutangisa, nge inoti tidane. 12#Kutangisa 4:8Tisitongonga Kaini wakabe ali we mbiimbi ngono kabulaya nnung'una uwe. Wakabe embulayilani? Wakabe embulaya ngobe mishingo iye yakabe ili mibi, ye nnung'una uwe yakalulwama.
13Musitongo tjenama zwikamu, ha shango imubenga. 14#Johani 5:24Toziba kuti takabhuda mu lufu tikangina mu butjilo, ngobe toda zwikamu zwedu. Iye usina ludo utjimu lufu. 15Iye unobenga ikamu tjitje mbulayi, ngono moziba kuti akuna mbulayi una butjilo gusingapele. 16Toziba kuti ludo ini nge zila eyi; Kirisiti wakatifila. Ndizo takafanila, naswibo kufila zwikamu zwedu. 17Iye unobe ana thundu ye shango, eti ebona ikamu tjitje tjishaka bhatsho, kalamba kutjibhatsha, ludo gwe Ndzimu gungagala munli tjini? 18Bana bangu, ngatisilebelekeni ngekwe ludo koga, ngatidane nge malebeswa muna tjatinothama.
Kukulumbidzika mbeli kwe Ndzimu
19Ha tina ludo gwakajali, ndiko kwatingaziba kuti timu zila ye malebeswa, ngono towosima ha tili mile mbeli kwe Ndzimu. 20Ha kuli kuti mimoyo yedu inotitilika nlandu, Ndzimu nkulu paili, kakale unoziba tjimwe ne tjimwe. 21Badiwa, ha mimoyo yedu isingatitilike nlandu, takasima mbeli kwe Ndzimu. 22Toamutjila ku uli kene ilini tjatinokumbila, ngobe tolondolodza milayo yawo kakale mishingo yedu inoushathisa. 23#Johani 13:34; 15:12, 17Ngono nlayo wawo unoti, tigalemoyo mu zina le Nkololo wawo Jesu Kirisiti kakale tidane koga sekwa wakatidwa. 24Bose banolondolodza milayo yawo bang'ompela nawo, na iwo nng'ompela nabo. Toziba kuti nng'ompela naswi, tizibisiwa nge Meya yawakatipa.
Kalanga Bible © Bible Society of Botswana, 2008, 2018.