Sawal la giled’a 4
4
Alona mi ndjun David
1Ni sawal la David mi hlat kadingâ mi hat mi ma ngolâ hi suma hle sawalina.
2Ang Alo ma we d’ingêr mandina,
ata yima an yangâ, ang humunu!
Ata yima suma a nga djobon vunana,
ang b’lengên hurunu.
Ang wan hohowonu, ang hum tchen manda!
3Agi suma, agi mba mbud’un zulona hina gak mindja ge?
Agi min tchugun zlad’a kan hawa hina yak gak mindja ge?
Agi hal dagi zla d’a kad’a kan hina gak mindja ge?
Tchol ndjö
4Agi wagi ala Ma didina mi wan hohowon ngola;
ata yima an nga ni yuma, nga mi humunu.
5Le hurugi zala ni, agi lagi tchod’a d’i;
agi djib’eregi kurugi ata yi magi ma burâ,
agi kagagi tchugot.
Tchol ndjö
6Agi hagi ahle suma ngat buzu suma ndak á hed’ina,
agi hagi tagi mi Ma didina mi.
7Suma ablaud’a a nga dala:
Ni nge ba, mba mi tagami djivid’a ge?
Ma didina, ang tinï irang kamiya.
8Wani furî d’a ang handji kurunda
kal furî d’a azi nga furîyût
ata yima awu mazina ki süm guguzlu mazid’a a le heîna.
9An bur kä, atogo zak an bur sena halas;
Ma didina, ni kayam ang tu ba,
an nga kaka bei va mi lan wana.
Currently Selected:
Sawal la giled’a 4: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
