Sawal la giled’a 3
3
Suma djangûna a ngui David
1Ni sawal la David mi hlat ata yima mi ring ngei abo goroma Apsalom-ma.
2Ma didina, man suma djangûna nablaud’a;
suma ablaud’a a kak djangûna ki sed’enu;
3suma ablaud’a a nga de kan ala:
Alona mi dok ndjunum mbuo d’a.
Tchol ndjö
4Wani ang Ma didina,
angî mbarei man nda ngomonda,
angî subur manda,
angî ma hlan yan akulona.
5An nga ni yi Ma didina ki delen akulo,
mam nga mi humun yam ahina mam mba mi tinit irat vata.
Tchol ndjö
6An bur kä andjege, an bur sena;
an zlit akulo, kayam Ma didina ni ma ngomona.
7An nga ni le mandara suma bubup
suma a nguyun ata yima lara ge petna d’i.
8Ma didina, ang mbeya!
Alo mana, ang sud’unu!
Angî ma tum agohl man suma djangûna petna,
angî ma kus sï suma asa’atna woina.
9Ma didina, angî ma sut suma,
ar ang b’e vunang yam sum mangâ!
Tchol ndjö
Currently Selected:
Sawal la giled’a 3: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
