Sawal la giled’a 5
5
David tchen Alona á ndjunumu
1Ni sawal la David mi hlat ki taulâd’a mi hat mi ma ngolâ hi suma hle sawalina.
2Ma didina, ang tin humang á hum zla manda,
ang djib’er yam zam ta manda.
3Amul mana, Alo mana, ang tin humang hum tchi mana;
ni ang ba, an nga ni tchenengû.
4Ma didina, ki yorogod’a, ang nga humun delenu,
ki yorogod’a, an nga ni min tan á tchenengû,
an nga ni djubungû.
5Angî Alo ma tang nga d’i lang djivid’a yam tchod’a d’uo na;
sama asa’atna nga mi kak ki sed’eng nguo mi.
6Suma a subur tazina a ndak á tchol avorong ngi,
suma a le sun nda tchod’ina pet, ang nga noyôzi woyo.
7Ang nga tchi suma ka zlad’a woyo;
Ma didina, suma tchi suma ki suma mbut ira,
ang nga golozi is.
8Wani anu, yam we hohou mang nga ngola,
an nga ni i avo hatangû,
an nga ni grif kä avok gong mang
nga ang tinit irat vata ki mandarâ.
9Ma didina, yam d’ingêr manga
ang tinin kur lovota
abo man suma djangûna,
ang blas lovot manga kä woi avoronu.
10Zla d’a ti irata nga avunazi d’i;
huruzi oîd’a ni ki murud’umba;
horzlom delezi ni d’igi asu d’a vunat nga mala woid’a na;
sinazi afefeta á lop suma.
11Alo mana, ang ngobozi yam tcho mazid’a!
Ar zla mazi d’a azi minita ti vaziya!
Ang digizi woi yam tcho mazi d’a ablaud’a,
kayam azi ni suma bei humung vunang ba na.
12Ar suma a deng tazi atangâ pet
a le furîd’a;
ar azi le hur ma hapma burâ ki burâ,
kayam ang nga ngomoziya;
ar suma a le yam simiyêngâ
a le furîd’a kangû.
13Ang Ma didina, ang nga b’e vunangî yam sama d’ingêrâ,
ang nga nguyum kä ki djivi manga d’igi mbareid’a na.
Currently Selected:
Sawal la giled’a 5: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
