Sawal la giled’a 32
32
Mbut hurâ ki vat hurâ
1Ni sawal la David mi hlata.
Sama Alona mi vat hurum mbei yam tchila mamba
mi zlubum yam tcho mamba kä mi na,
mi le furîd’a.
2Sama Ma didina mi ndumum nga tcho mamba kam mbuo
ma mbut ira nga kurum mbuo mi na,
mi le furîd’a.
3Ata yima an ngruf bei de zlad’a woina,
asogon mi kus d’ad’ameî
abo zam ta d’a an nga ni zam tan teteud’a.
4Andjege ki faleya ang nga gad’anu,
ad’engên dap pei d’igi afat ta awalid’a ti so mbina woi na.
Tchol ndjö
5An dang wa tcho manda woyo,
an ngei nga tcho manda kä d’uo mi,
an dala: An mba ni de woi yam tchila manda avor Ma didina;
kayam ndata, ang hlan wa aneka hi tcho mandid’a woi kanu.
Tchol ndjö
6Kayam ndata, ar suma d’engzengâ pet
a tcheneng ata yima azi nga ki irazi tua na.
Le ndak ka ngola kus kazi d’igi mbina mi kus hina pî,
mba d’i fazi d’i.
7Angî yi man ma ngeid’a,
ang nga ngomon kur ndaka,
ang nga nguyun kä ki sawal la bangâna.
Tchol ndjö
8Ma didina mi dala:
An mba ni had’angû,
an mba ni tagang lovot ta ang tit kuad’a,
an mba ni dang d’alâ,
an mba ni tin iran kang mi.
9Ar ang kak d’igi akuluma d’oze korona
suma djib’er mazid’a nga d’uo na na d’i.
Djamad’a ni va d’a vazi ki d’a;
le hina d’uo ni, azi nga ve kä d’i.
10Sama asa’atna mba mi fe ndaka ngola,
wani sama deng tam ata Ma didinina,
mam mba mi nguyum kä ki djivi mamba.
11Agi suma d’ingêrâ, agi lagi furîd’a yam Ma didina,
agi lagi hur ma hapma;
agi suma pet suma bei tchod’a kurugina,
agi eregi ad’ugi akulo ki furîd’a.
Currently Selected:
Sawal la giled’a 32: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
