Sawal la giled’a 30
30
David mi subur Alona kayam mi prud’um mbeyo
1Ni sawal la David mi hlat ki furîd’a á mal vun gong mambid’a.
2Ma didina, an nga ni suburung kayam ang prud’un ndei avun matna,
ang ar nga lovota mi man suma djangûna á san ad’un ndi.
3Ma didina Alo mana, an tchi kangû,
ang tcholon akulo mi.
4Ma didina, ang ndan ndei ata yima azuleina,
ang ngomon karid’a; an nde nga kä kur zula d’i.
5Agi mam suma d’engzengâ, agi suburugi Ma didina ki sawala,
agi gilem simiyêm ma bei tchod’ina.
6Kayam ayî mama nga mi ka’î ndjö,
wani djivi mamba nga yam sana ni gak mat mama.
Le sana mi tchi andjege ni,
yorogo mi le furîd’a.
7Kid’a an nga kaka tchugota, an dala:
An mba ni giget abo va tu d’i.
8Ma didina, yam djivi manga an nga kaka ad’enga ngingring.
Wani ata yima ang ngei irang ngei avorona,
vunadigan ndi pat fek.
9Ma didina, an tchi kangû,
an tchenengî ang Ma didina.
10Le an mit ni i kä azuleyo ni,
vama djivi ma ang mba fum atana ni me ge?
Sama mi mbut andagad’a da na,
mi ndak á gileng zu?
Mba mi de woi yam gagazi manga zu?
11Ma didina, ang humunu, ang wan hohowonu;
Ma didina, ang ndjununu!
12Ang mbud’un wa tchi mana sanda,
ang fogon wa dodor manda woyo,
ang tchugun wa baru d’a vun tilâ atanu,
13kayam an suburung ki sawala kurun krovo bei bad’a ba.
Ma didina, Alo mana, an mba ni gileng burâ ki burâ.
Currently Selected:
Sawal la giled’a 30: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
