Sawal la giled’a 29
29
Dela hi Ma didinid’a nga d’i breî kur d’ugula
1Ni sawal la David mi hlata.
Agi suma nglo suma sä akulona,
agi hagi ngola mi Ma didina,
agi dagi woi yam subur mamba ki sib’ik mamba,
2agi dagi woi yam subura hi Ma didinid’a,
agi grivigi kä avok Ma didina kahle magi suma a tinizi irazi vazina.
3Dela hi Ma didinid’a nga d’i zlakulo yam mbina ngungur,
Alo ma subura nga mi breî alo ma breîd’a,
Ma didina nga mi te yam mbiyo ma nglona.
4Dela hi Ma didinid’a nga d’i ngir kä kad’enga ngingir,
dela hi Ma didinid’a nga d’i tak subur mamba woyo,
5dela hi Ma didinid’a nga d’i kus agu sedrena woyo,
agu sedre ma Liban-na tam pî, ti kuzum mbeyo.
6Ma didina mba mi dubar ahina d’a Liban-nda
d’igi gor amuhlâ mi dubar na,
mi dubar ra Hermon-nda
d’igi gor avüna mi dubar na mi.
7Dela hi Ma didinid’a nga d’i b’rau wiled’a woi teteng,
8Dela hi Ma didinid’a nga d’i yir hur fulâ,
Ma didina nga mi yir hur ful ma Kades-sâ gigidji.
9Dela hi Ma didinid’a nga d’i tes pandrid’a á vuta,
ti nga d’i yak hum agud’a kä woyo.
Suma kur azina hAlonina pet
a nga de ki delezi akulo ala:
Ei suburi Alona!
10Ma didina ni ma te yam mbiyo ma kus kur atchogoid’a hi Noe-d’ina;
Ma didina ni ma te leud’a gak didina.
11Ma didina nga mi had’enga mi sum mama;
Ma didina nga mi b’e vunam yam sum mama ki b’leng nga halasa.
Currently Selected:
Sawal la giled’a 29: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
