Sawal la giled’a 28
28
Tchenda hi sama nga avun matnina
1Ni sawal la David mi hlata.
Ma didina, an nga ni tchi kangû;
Ahina manda, ang hle yang ngei kan ndi.
Le ang humun nduo ni,
an mbut ni d’igi sama mit teina na.
2Ata yima an nga ni yangâ,
ata yima an nga ni yo abon akulo
ir abo yi mang ma ang tinim iram vam ma kal teglesîna,
ang hum tchen man nda hud’a.
3Ang zlaban doglod’a ki suma asa’at suma a le sunda tchod’ina d’i.
Azi ni suma a nga de zla d’a djivid’a mi ndrozina ki vunazina,
wani huruzi ma krovona ni oîd’a kasa’ata.
4Ang wuragazi yam sun mazid’a, yam murud’um mba azi lata,
ang wuragazi yam sun nda a lat kabozid’a,
ang wuragazi ndak yam sun nda azi tazi lata.
5Kayam azi nga djib’er yam sun nda ang Ma didina lata d’i,
nala, sun nda ang lat kabonga.
Ang b’lagazi woi ki irazi fafat.
6Mersi ngola mi Ma didina,
kayam mi hum tchen man nda hud’a.
7Ma didina nad’eng manda, ni mbarei manda;
an tin hurun ni yam mamu, mi nga mi ndjununu.
Kayam ndata, an nga ni le furîd’a,
an nga ni gilem ki sawal manda mi.
8Ma didina nad’enga hi sum mamid’a,
mam mi gulumun ma ad’eng ma sut amul ma mam manama.
9Ang sut sum mangâ,
ang b’e vunang yam mang suma ang tazi djonina,
ang poloziya, ang ngomozi burâ ki burâ.
Currently Selected:
Sawal la giled’a 28: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
