Sawal la giled’a 26
26
Tchenda hi sama bei zlad’a kama
1Ni sawal la David mi hlata.
Ma didina, ang kan ir zla manda,
kayam an nga ni tit kur d’ingêra.
An nga ni deng tan ata ang Ma didina,
an nga ni giget ti.
2Ma didina, ang kugunu, ang golon djiviya,
ang halan hurun yam min manda ki djib’er manda mi.
3Djivi manga nga avoronu,
an nga ni tit kur gagazi manga.
4An nga ni kak zlapa ki suma ka zlad’a d’i,
an nga ni tit ki suma mbut ira d’uo mi.
5An nga ni min toka hi suma tchonid’a d’i,
an nga ni kak zlapa ki suma asa’atna d’uo mi.
6An mbuza wa abon ndei á tak kei ala zla nga kan ndi.
Ma didina, an nga ni ngui yi mang ma ngal ahle suma ngat buzuna
7á gileng ki delen akulo,
á de woi yam sun mang nga ndandala pet mi.
8Ma didina, hurun ve yima ang nga kaka kuana,
yima subur manga nga kuana mi.
9Ang hlan muzugan zlapa ki suma le tchod’a d’i,
ang tchan zlapa ki suma tchi matna d’uo mi.
10Ni suma abozi nga zid’a akulo kazi zi á le tchod’ina;
abozi ma ndjufâ nga tinda á ve wurak ka yam sumid’a.
11Wani an nga ni tit kur d’ingêr manda;
ang wan hohowonu, ang sud’un ndeyo.
12Asen nga tchola ad’enga ngingring yam gagazid’a;
an mba ni gile Ma didina aduk toka teteng mi.
Currently Selected:
Sawal la giled’a 26: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
