Sawal la giled’a 25
25
Tchenda hi sama nga avun bad’ina
1Ni sawal la David mi hlata.
Ma didina, an tin hurun ni kang angû.
2Alo mana, an deng tan natangû,
ar an mbut zulona d’i,
ar man suma djangûna a le furîd’a kan nduo mi.
3Suma a tin huruzi kangâ pet a mba mbut zulona d’i;
suma a mba mbut zulonina
ni suma a le suma tchod’a bei zlat ba na.
4Ma didina, ang tagan lovot manga,
ang had’an zla manga.
5Ang tagan gagazi manga, ang had’an mi,
kayam angî Alo ma sud’una,
angî ma an tin hurun kang teteuna.
6Ma didina, ang djib’er yam we hohou manga
ki o mang nga ei dei gak didinda.
7Ma didina, ang djib’er yam tcho manda
ki tchila man nda kazongôn deid’a d’i,
wani ang djib’er kan yam we hohou manga ki djivi manga.
8Ma didina ni ma djivi ma d’ingêrâ.
Ni kayam ndata ba,
nga mi tak lovot ta d’ingêra mi suma tchona.
9Nga mi tin suma lulumana kur lovot ta d’ingêra,
nga mi hat suma lulumana lovot mamba.
10Lovota hi Ma didinid’a pet ni od’a ki d’engzenga
yam suma a nga ngom vun mam ma djinda
ki vun mam ma hed’ina mi.
11Ma didina, yam simiyêngû,
ang vat hurung ngei yam tcho manda,
kayam ti ngola heî.
12Sama mi le mandara Ma didinina,
ni Ma didina ba, mi tagam lovot ta mbeî mi manata.
13Sa mama mba mi kak kur djivid’a,
andjavam mba mi te yam andagad’a mi.
14Ma didina nga mi tak zla d’a mudurid’a woi
mi suma a nga lum mandarama,
nga mi tagazi vun mam ma djinda mi.
15An nga ni tin iran yam Ma didina teteu,
kayam nga mi pad’an asen ndei kur dauna.
16Ang mbud’i irang kanu, ang wan hohowonu,
kayam an arî van tu, an ni sama hohoud’a.
17An nga kur djib’era ngola;
ang pad’an ndei kur ndak ndata.
18Ang wan hohou manda ki ndak manda,
ang vat hurung ngei yam tcho manda pet.
19Ang gol man suma djangûna ablawazi ni ga ge?
Ang gola, azi noyôn ni noî d’a tchod’a.
20Ang ngomonu, ang sud’unu;
ata yima an hal yima ngeid’a atangâ,
ang aran an mbut zulona d’i.
21An tin hurun ni kang angû;
ang ngomon kur d’engzenga ki d’ingêra.
22Alo mana, ang sut Israel-lâ kur ndak mazid’a pet.
Currently Selected:
Sawal la giled’a 25: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
