Sawal la giled’a 120
120
Tchenda hi sama a tchugum zlad’a kama
1Ni sawal la suma a djak Jerusalem á lü vun tilîna a hlata.
Kur ndak manda an yi Ma didina,
mi hulongôn humba.
2Ma didina, ang prud’un ndei abo suma ka zlad’a,
abo suma mbut ira mi.
3Agi suma mbut ira,
Alona mba mi ngobogi ni ki me ge?
4Mba mi ngobogi ni ki yeûd’a hi ma dur ayînid’a
ki gordjo ma akud’a mi.
5Ni vama hohoud’a kan
á kak mbeid’a aduk suma Mese’â,
á kak aduk suma Kedar-râ mi.
6An kak bizad’a ablaud’a
aduk suma a noî halasina.
7An halî halasa,
wani ata yima an nga ni de zlad’a katna,
azi tcholî á dur ayîna.
Currently Selected:
Sawal la giled’a 120: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
