Sawal la giled’a 121
121
Ma didina ni ma ngom sum mamina
1Ni sawal la suma a djak Jerusalem á lü vun tilîna a hlata.
An nga ni gol iran akulo yam ahuniyôna.
Sama ndjununa mba mi tcholï ni lara ge?
2Ndjun manda ti tcholï nata Ma didin
ma lakulod’a kandagad’ina.
3Mam mba mi arang aseng mi ka azlard’eid’a d’i;
mam ma ngomongâ nga mi bur sen ndi.
4Gola! Mam mi ma ngom Israel-lîna,
iram nga d’i lum sen ndi,
nga mi bur sen nduo mi.
5Ma didina ni ma ngomongâ;
mi nga tchola ata bigang nga ndjufa
d’igi angus ma kangâ na.
6Afata mba d’i ngalang falei d’i,
tilâ mba mi lang va andjege d’uo mi.
7Ma didina mba mi ngomong
abo ahle suma tchona pet,
mba mi ngomong karid’a.
8Ma didina mba mi ngomong kur i manga
ki hulong manga mi,
ki tchetchemba, gak didin mi.
Currently Selected:
Sawal la giled’a 121: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
