Esdras 10
10
Juif-fâ a dik andjaf arop suma dingâ woyo
1Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung. 2Ata yi máma Sekaniya Jehiyel gorom ma ad’u andjafâ hi Elam-ma, mi tchol mi de mi Esdras ala: Ami lami tchod’a avok Alo meina, ami vigimi andjaf gro suma ding suma kur ambas sa wandina. Hina pet pî, lovota nga yam Israel-lâ á buzuk kei kur zla ndata. 3Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi. 4Ang tchol akulo, kayam zla ndata arî abongû, ang ve tang ad’enga á lad’u, kayam ami nga ki sed’engû.
5Esdras mi tchol akulo, mi gun suma nglo suma ngat buzuna ki suma hi Levi-na ki suma nglo suma avok sumina á le sunda yam zla ndata; azi gun tazi ki zla tazi pet mi. 6Bugol la Esdras mi tcholï woi avun gong nga kud’ora hAlonid’id’a, mi i kur gonga hi Johanan ma Eliyasip goromid’a. Kid’a mi kal avo d’a, mi te nga va d’oze mi tche nga va d’i, kayam mi nga kur yor tad’a yam sun nda tcho d’a suma a yozi magombina a lata.
7A i ki zla ndata kur Juda ki Jerusalem, a tchi wala ala: Suma a tcholï ata yima magombina pet a togï avo Jerusalem. 8Suma avok suma ki suma nglona a ndjak vunazi ala: Sama lara pî ma mi mba nga kur bur ma hindi ma a ngama d’uo na, a mba hurumum ahligiyemu, a mba digim mbei aduk adesâ hi suma a tcholï ata yima magombina mi.
9Andjof suma Juda-na ki suma Benjamin-na pet a tok avo Jerusalem ni kur bur ma hindina. Ni bur ma dok mbàna hi til ma zlengîna. Suma pet a tchol ata yima avun gong nga kud’ora hAlonid’ina, a nga zlak abo zla ndata, abo alo ma nga mi sena mi.
10Ma ngat buzuna Esdras mi tchol akulo mi dazi ala: Ata yima agi vigigi andjaf gro arop suma dingîna, agi lagi tchod’a, agi mbud’ugi Israel-lâ tchod’a kal la avoka. 11Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.
12Ablaud’a pet a hulong humba ki delezi akulo ala: Â, ami mba lami d’igi ang de na. 13Wani suma kal ablaud’a heî, ni yima alona nga mi sena mi; ei ndak á tcholei abu d’i. Le d’uo pî, ni sun nda ndak á lat kur bur ma tu ki mbà go d’i, kayam suma ablaud’a adigami a le tcho ndata. 14Ar mei suma nglona a ar kä yam ablau d’a peta. Suma kur azì mei ma nglonina pet suma a vik andjaf arop suma dingîna, a mbei kur bur ma a ngama, zlapa ki suma nglona ki suma ka sariya suma kur azì ma ngol ma lara ge pet, gak hur ma zala hAlo meinina mi vat tei kei yam tcho ndata tua.
15Jonatan Asayel goroma ki Jaziya Tikva goroma ba, a tchol ad’enga ki zla ndata. Ni Mesulam ki Sabetai ma hi Levi-na hol ba, a ndjunuzi kur zla ndata. 16Suma a tcholï yima magombina pet a le d’igi a dazi na, a tin ma ngat buzuna Esdras iram vamu, a tin suma nglona yam azina habuyozina, azi pet a yazi ni ki simiyêzi gagang. A kak kä á hal ad’u zla ndata ni kur bur ma avo’â hi til ma dogonina. 17Kur bur ma avo’â hi til ma avo’îna, a dap zlad’a hi suma pet suma a vik andjaf arop suma dingîna.
Juif suma a vik andjaf arop suma dingîna
18Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya. 19A hle vunazi á dik amiyôzina, a he gamlâna he d’a hawad’a yam tcho mazid’a mi.
20Aduk Imer groma ni Hanani ki Zebadiya.
21Aduk Harim groma ni Mäseya, Eliya, Semaya, Jehiyel ki Oziyas.
22Aduk Pasehur groma ni Eliyohenai, Mäseya, Ismael, Netanel, Jozabat ki Elasa.
23Aduk suma hi Levi-na ni Jozabat, Simei, Kelaya ma a yum ala Kelita-na, Petahiya, Juda ki Eliyezer.
24Aduk suma hle sawala ni Eliyasip.
Aduk suma a ngom vun gongîyonina ni Salum, Telem ki Uri.
25Suma aduk Israel suma hawana ba wana:
Aduk Paros groma ni Ramiya, Jiziya, Malkiya, Miyamin, Elazar, Malkiya ki Benaya.
26Aduk Elam groma ni Mataniya, Zakari, Jehiyel, Abadi, Jeremot ki Eliya.
27Aduk Zatu groma ni Eliyohenai, Eliyasip, Mataniya, Jeremot, Zabat ki Aziza.
28Aduk Bebai groma ni Johanan, Hananiya, Zabai ki Atlai.
29Aduk Bani groma ni Mesulam, Maluk, Adaya, Jasup, Seyal ki Ramot.
30Aduk Pahat-Mowap groma ni Atna, Kelal, Benaya, Mäseya, Mataniya, Besalel, Binuwi ki Manase.
31Aduk Harim groma ni Eliyezer, Jisiya, Malkiya, Semaya, Simeon, 32Benjamin, Maluk ki Semariya.
33Aduk Hasum groma ni Matenai, Matata, Zabat, Elifelet, Jeremai, Manase ki Simei.
34Aduk Bani groma ni Mädai, Amram, Wel, 35Benaya, Bediya, Keluhu, 36Vaniya, Meremot, Eliyasip, 37Mataniya, Matenai, Jäsai, 38Bani, Binuwi, Simei, 39Selemiya, Natan, Adaya, 40Maknadebai, Sasai, Sarai, 41Azarel, Selemiya, Semariya, 42Salum, Amariya ki Josef.
43Aduk Nebo groma ni Jeyel, Matitiya, Zabat, Zebina, Jadai, Joel ki Benaya.
44Sum ndazina pet a ni suma a vik andjaf arop suma dingîna, a vud’uzi grona ablaud’a mi.
Currently Selected:
Esdras 10: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.