Nehemi Wana ni modo zla d’a kuruta
Wana ni modo zla d’a kuruta
Mbaktumba hi Nehemi-d’a ni mbaktumba hi Esdras-sa vunat ma arâ, kayam azi dja’î mbaktum mba tud’a. Ni mbaktum mba a b’irit zlapa ki djib’era hi sana tatid’a. Suma a golot ni d’igi djib’era hi Nehemi-d’a tata na.
Esdras ma ngat buzuna ndrama ni Nehemi ma sun ma ngolâ avo hi Artazerses amul ma Perse-na. Mi fe mbaktumba abo salama á hulong Jerusalem á he tam á min zla d’a ngad’a yam ambazazid’a, yam sun nda ndak á led’a yam suma yam ambas mambid’ina mi. Gol 1.1–2.10.
Mi mbaza avo Jerusalem. Andjaf suma dingâ ablaud’a a tchol djangûna ki sed’emu. Hina pî, ndrom Juif-fâ ablaud’a a ndjunumu, mi min gulumun ma Jerusalem-ma akulo. Gol 2.11–7.73.
Mi mba mi tchol gen Esdras ata yima azi tok yam zlad’a hAlonid’ina. Kur tok mazi ndata, Esdras mi ndum zlad’a hAlonid’a, suma hi Levi-na a väd’u zla ndata woyo, dam a djogot wa woi mi suma a nga hum vun Hebre-na d’uo na kla mi. Suma a hle vunazi hle d’a dinga kua mAlona. Gol 8.1–10.40.
Bugola, mi tin gat ta gagazid’a teteng yam zla d’a hur azinid’a. Gol 11.1–12.26. Bugola, mi tok suma á le luna á tin gulumun ma a minima iram vam mAlona. Gol 12.27-43. Bugola, mi he vuna teteng a tit bugol Alona mi. Gol 12.44–13.31. Mbaktumba hi Nehemi-d’a nga d’i tagei sun mamba ala mam mi sama sunda, ni ma bei djib’er yam va ba na, ni ma d’engzengâ, ni ma ve tad’a, ni ma sun mam mba led’a pet ni kur tchendina. t Wana ni wal mata
Nehemi mi fe lovota á hulong Jerusalem 1.1–2.10
Nehemi mi min gulumun ma Jerusalem-ma akulo 2.11–7.73
Esdras mi ndum zlad’a hAlonid’a mi suma 8.1–10.40
Nehemi mi tin gata teteng yam zla d’a hur azinid’a 11.1–12.26
Nehemi mi tok suma á tin gulumuna iram vam mAlona 12.27-43
Nehemi mi he vuna teteng á tit bugol Alona 12.44–13.31
Currently Selected:
Nehemi Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.