Salmos 98
98
Salmo 98
Jín ndaka'an jín ndakachi o ndaka ja va'a sa'a Su'si ma
1Jin kata ni in yaa jaa nuu Iya Tátnuni ma,
vaa kua'a milagru ni sa'a ya.
Te ja maa tnu'u ndee tnu'u ndatnu ya ma, te ni kundee ya.
2Iya Tátnuni ma, ni sa'a ya ja ndaka ñayii ma,
ni ka jini i sukan sa'a ya ja jin kaku i nuu ja u'vi ma.
Ni ka jini ndi'i, ni ka jini tu'u i
sukan sa'a ndaa sa'a ndija ya ma.
3Ni ndaka'án Su'si ma sukan kúnda'vi ini ya
ndaka sa'ya tata tee kúu Israel ma,
te ndaka ñayii ka iyo ni‑ka'nu ñuu ñayivi a,
ni ka jini i sukan sa'a Su'si o ma
ja jin kaku ñayii ma nuu ja u'vi ma.
4Ndaka ni ja ka iyo ni ni‑ka'nu ñuu ñayivi a,
jin kata sii ini ni nuu Su'si o Iya Tátnuni ma.
Jin kata nini'i ni, te jin katu nda'a ni.
5Te jin tee ni guitarra ma, te jin kata ni salmo ma,
te vivii jin skixin ni tnu, te vivii jin kata ni nuu ya.
6Te vivii jin tava ni yaa ma ji'in trompeta ma ji'in flauta ma,
te sukan jin ndachiñu'u ni Rey o Iya Tátnuni ma.
7Ni‑ka'nu nuu mar ma kó kuu yu'u,
ji'in ndaka ja iyo ñuu ñayivi a.
8Te yute ma, kó kuu yu'u ndute ma
sukan kúu ora kátu nda'a o ma,
te ndaka yuku ma jín koo sii ini xeen i
9nuu maa Su'si o Iya Tátnuni ma iya ni ki koto
naxe ka sa'a ka kuu o ja ka iyo o ñuu ñayivi a.
Te sa'a ndandaa ya, te ndakan ndandaa ya kuenda
nuu ndaka ñayii ka iyo ni‑ka'nu ñuu ñayivi a.
Currently Selected:
Salmos 98: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
