Salmos 93
93
Salmo 93
Su'si ma kúu Rey Iya Tátnuni
1Iya Tátnuni ma kúu Rey, te iyo xeen jayiñu'u ya.
Iya Tátnuni ma kúu iya neva'a ndaka tnu'u ndee tnu'u ndatnu,
te maa ya ni sunkani vava'a ñuu ñayivi ya, te másu kotuu i.
2Vaa onde xinañu'u ma ni jani ini ni ja koo vava'a
nuu núkoo ni ja tátnuni ni a,
te maa ni kúu Su'si iyo onde xinañu'u ma,
te koo ni ni‑kani ni‑jika.
3Iya Tátnuni, ni sa'a ni ja ni kuun savi te ni ka chitu yute ma,
te yute ma chi ka ni'i ka ni'i‑nka ja kée ndeñu'u ma.
4Iya Tátnuni iya iyo onde sukun ma
kúu iya neva'a‑ka tnu'u ndee tnu'u ndatnu
sana ndute kua'a xeen ma,
te iyo‑ka tnu'u ndee tnu'u ndatnu ya
sana nuu ndute kua'a kuá'an vee nuu mar ma.
5Ndaka ja sa'a ja kúu ni ma chi ja ndaa ka kuu,
te chukan kúu ja nuu iyo ni a chi ñatuu na ja u'vi koo.
Saa vi, Su'si Iya Tátnuni, sukan kó kuu ni‑kani ni‑jika.
Currently Selected:
Salmos 93: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
