Salmos 91
91
Salmo 91
Ñayii iyo ji'in Su'si ma chi kaku i nuu ndaka ja u'vi ma
1Ñayii iyo nuu nda'a iya iyo onde sukun ma, iyo va'a i,
te koo i kuanda'vi iya kúu sa'a ndaka ma.
2Kuña'a sa nuu Iya Tátnuni ma:
“Maa ni kúu nuu kuu chu'u sa.
Maa ni kúu ve'e sa ja núkuiñi vava'a.
Maa ni kúu Su'si sa ja kúkanu ini ña'a sa”,
kuña'a sa ya.
3Maa in‑ni ya sa'a ja kuu kaku o nuu yo'o tníi ña'a tachi ma
ja ke'en su'va ña'a i ma,
ji'in nuu ndaka kue'e ja ka'ni ña'a i ma,
4vaa maa ya kasi ña'a ji'in ndijin ya ma,
te chii ndijin ya ma koo va'a‑ka o,
chi vaa sa'a ya ndaka ja ni skuiso ya ma,
te tnu'u ndaa tnu'u ndija ká'an ya ma,
kasi ña'a i ja ma kaki'i ña'a ni‑in ja u'vi ma.
5Masu koyu'u ni ja îyo iyo jakuaa ma,
ni a ja u'vi iyo nduu ma,
6ni a kue'e kenda koo ora ne'e xeen ma,
xi kue'e yachi ja kenda sava nduu ma, ja ka'ni i ñayii ma,
másu nawa sa'a ña'a i.
7Visi mil ñayii na kûu xiñi satni ni ma
te uxi mil ñayii xiñi kua'a ni ma,
kovaa maa ni chi másu nawa ndo'o ni.
8Yika‑ni ja konde'ya ni, te kuni ni sukan jin ndani'i jin ndatna'a
maa ñayii ñatuu ka kandija Su'si ma.
9Ja ni kukanu ini ni Su'si iyo onde sukun ma,
ja maa ya kúu nuu kuu chu'u ni ma, nuu koo va'a ni ma,
10te ni a in ja u'vi kenda nuu iyo ni a,
te ni a in kue'e masu kenda ve'e ni ma,
11vaa maa ya tetniñu ángel ya ma,
ja jin ko koto ña'a i ndeva'a‑ni ichi kua'an ichi vee ni ma.
12Te jin kotnii i nda'a ni ma,
sukan‑va'a ma jaku'un ja'a ni a in yuu te nduva ni.
13Kuu kaka ni ne'un kiti xeen ma,
ne'un kiti kini ma ji'in koo na'nu ma,
kovaa masu nawa ndo'o ni.
14Sa'a ka'an ya:
“Ja kutoo ña'a ñayii kándija ja ká'an o ma,
te maa o sa'a ja kaku i nuu ndaka ja u'vi ma.
Te sonee sukun o i, vaa jâ ni jini i na in kúu o.
15Te nuna ndakune'e ña'a i,
te yo'o chi ndakone'e o ja ká'an i ma.
Maa o koo ji'in i, te sa'a o ja ya'a i nuu tnundo'o tnuneni ma,
te koo xeen jayiñu'u i.
16Te sa'a o ja koo sii ini i te koteku i kua'a xeen kivi
ñuu ñayivi a,
te kuni i ja ndimaa sa'a o ja kaku i nuu ja u'vi ma”,
kúu ya ká'an ya.
Currently Selected:
Salmos 91: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
