Salmos 63
63
Salmo 63
Maa in‑ni Su'si ma kúu iya sa'a ja iyo sii ini ñayii ma
1Su'si maa sa, maa ni kúu Su'si sa.
Te xtnee ne'e ma ni‑yu'u ni‑ini sa ndanduku ña'a sa,
vaa ni‑ka'nu yikikuñu sa ya, jiniñu'u ña'a i.
Kuenda kúu ñu'ú yichi nuu ñatuu kuiti na ndute iyo ma,
sukan kúu sa.
2Vaa kúu ini sa ja kuni sa
sukan iyo tnu'u ndee tnu'u ndatnu ni a,
ji'in sukan iyo jayiñu'u ni a onde ve'e ii nuu iyo ni a.
3Vaa ja va'a xeen‑ka kúu ja kúnda'vi ini ña'a ni a
te koo sa ji'in ni ma,
sana ja koo maa in‑ni sa ñuu ñayivi ya
visi na koteku kani sa ma.
Te chukan kúu ja ni‑yu'u ni‑ini sa
ndachiñu'u ña'a sa, vi Su'si.
4Te ndaka kivi koteku sa ya chi ndachiñu'u ñukuun ña'a sa,
te ora jikan‑ta'vi sa ma, ndone'e sa nda'a sa a
ichi andivi a nuu iyo maa ni a, vi Su'si.
5Sani te ini anua sa ya chi ndusii ini xen‑xeen i,
te ûni kayu'u sa kata sa, te ndachiñu'u ña'a sa.
6Te ora kátuu sa nuu jito kixi sa ma,
te ku'un ku'un‑ni ini ña'a sa.
7Vaa maa ni kúu iya chindee ña'a ja kaku sa nuu ja u'vi ma,
te chukan kúu ja sii ini xeen kata sa nuu ni a,
vaa iyo sa chii ndijin ni a.
8Te ini anua sa ya chi kúkanu ini i
ja onde maa ni sana kaku sa nuu ja u'vi ma,
vaa nda'a kua'a ni a yituu ña'a ja núkuiñi va'a sa a.
9Kovaa ndaka ñayii ka nduku ja jin ka'ni ña'a i ma
chi jin kê koo maa i onde nuu kunu kunu chii ñu'ú a.
10Te ndaka ñayii yukan chi jin ka'ni ña'a ñayii ma
ji'in yuchi kúu espada ma,
te jin kenda koo kiti yuku ma, te jin kaa ti i.
11Kovaa rey ya chi koo sii ini xeen de nuu Su'si ma.
Te ndaka ñayii ka ndakune'e Su'si ma te ka kandija i ya ma
chi jin kata i te jin ndachiñu'u i Su'si ma.
Kovaa ñayii inutnu'u ma chi na'ñi na'ñi‑nka‑ni jin koo i,
te masu kuu nawa jin ka'an‑ka i nuu ya.
Currently Selected:
Salmos 63: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
