Popular Bible Verses from Salmos 63

Share

Su'si maa sa, maa ni kúu Su'si sa. Te xtnee ne'e ma ni‑yu'u ni‑ini sa ndanduku ña'a sa, vaa ni‑ka'nu yikikuñu sa ya, jiniñu'u ña'a i. Kuenda kúu ñu'ú yichi nuu ñatuu kuiti na ndute iyo ma, sukan kúu sa.

Vaa ja va'a xeen‑ka kúu ja kúnda'vi ini ña'a ni a te koo sa ji'in ni ma, sana ja koo maa in‑ni sa ñuu ñayivi ya visi na koteku kani sa ma. Te chukan kúu ja ni‑yu'u ni‑ini sa ndachiñu'u ña'a sa, vi Su'si.

Te ndaka kivi koteku sa ya chi ndachiñu'u ñukuun ña'a sa, te ora jikan‑ta'vi sa ma, ndone'e sa nda'a sa a ichi andivi a nuu iyo maa ni a, vi Su'si.

Vaa kúu ini sa ja kuni sa sukan iyo tnu'u ndee tnu'u ndatnu ni a, ji'in sukan iyo jayiñu'u ni a onde ve'e ii nuu iyo ni a.

Vaa maa ni kúu iya chindee ña'a ja kaku sa nuu ja u'vi ma, te chukan kúu ja sii ini xeen kata sa nuu ni a, vaa iyo sa chii ndijin ni a. Te ini anua sa ya chi kúkanu ini i ja onde maa ni sana kaku sa nuu ja u'vi ma, vaa nda'a kua'a ni a yituu ña'a ja núkuiñi va'a sa a.

Te ora kátuu sa nuu jito kixi sa ma, te ku'un ku'un‑ni ini ña'a sa.