Salmos 113
113
Salmo 113
Su'si ma chi ndákua'a ya tnu'u kanu ini nuu ñayii jani ini ja masu kuu‑ka i ma
1Ndijin ja ka jinukuechi ni nuu Iya Tátnuni ma,
jin ndachiñu'u ni ya.
Maa in‑ni ya jin ndachiñu'u ni.
2Ja vii ja va'a kúu Iya Tátnuni ma.
Onde vitna te ni‑kani ni‑jika jin ka'an vii jin ka'an va'a o
ja kuu ya ma.
3Ndaka o na jin ndachiñu'u Iya Tátnuni ma.
Onde ñayii ka iyo ichi nuu kána kandii ma,
onde ñayii ka iyo ichi nuu kée kandii ma,
na jin ndachiñu'u tna i ya ndaka ora.
4Vaa maa ya tátnuni ni‑ka'nu ñuu ñayivi a,
te jayiñu'u ya ma chi ka'nu‑ka sana andivi a.
5Másu na in‑ka kuu sa'a sukan sa'a Su'si Iya Tátnuni ma,
vaa maa ya chi onde sukun‑ka sana andivi ma
núkoo ya ja tátnuni ya ma.
6Te jákindeyi ya ja nde'ya ya andivi ma ji'in ñuu ñayivi a.
7Te onde ñayii kúnda'vi kúkee ma
ja kuenda tnu'u ja ne'un ñuyaka‑nka ma iyo i ma
chi kuu ndone'e ya i ja kuatniñu ya i.
Te onde ñayii jani ini ja másu nde jiniñu'u‑ka i ma
vaa másu nawa neva'a kuiti i ma
chi kuu ndone'e ya i ja kuatniñu ya i,
8sukan‑va'a sa'a ya ja jin kunukoo i
ne'un ñayii ka ndanuu‑ka ñuu ya ma.
9Te ña'a ñatuu nama ni kúu koo sa'ya ña ma,
te sa'a ya ja ndusii ini ña ja iyo ña ne'un sa'ya ña ma.
¡Jayiñu'u kóo nuu Iya Tátnuni ma! ¡Aleluya!
Currently Selected:
Salmos 113: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
