Salmos 114
114
Salmo 114
Sukan vivii ni sa'a Su'si ma, nuu ni ka nde koo ñayii Israel ma ñuu Egipto ma
1Kivi ni ka nde koo ñayii ñuu Israel ma
ja ka kuu i sa'ya tata tee kúu Jacob ma
ñuu Egipto ma nuu másu ñuu i kúu ma,
2ñuu Judá ma ni nduu nuu jin ndachiñu'u i Su'si ma,
te ñayii Israel ma, ni ka nduu i ñuu ya ma
ja ni yo tatnuni ya nuu i ma.
3Ni jini mar ma ya, te ni jinu i,
te yute Jordán ma, ni ndakakayata i.
4Te yuku ma, ni ka kandava i sukan ka kuu carneru ma,
te tinduu ma, ka kandava ka kandita i
sukan ka kuu ndikachi jaa ma.
5¿Nawa ni ndo'o ro, mar,
ja ni jinu ro nuu ni jini ro Su'si ma?
¿Te nawa ni ndo'o ro, yute Jordán,
ja ni ndakakayata ro nuu ni jini ro Su'si ma?
6Te ro'o, yuku, ¿nava'a ka kandava ro
sukan ka kuu carneru ma nuu ni ka jini ro Su'si ma?
Te ro'o, tinduu, ¿nava'a ka kandava ka kandita ro
sukan ka kuu ndikachi jaa ma nuu ni ka jini ro Su'si ma?
7Te ñu'ú ya chi ora jini i Su'si Iya Tátnuni ma
iya ni yo kukanu ini tee kúu Jacob ma
chi ni'i ni'i‑nka i ja tnáa ñuu ñayivi ya.
8Te maa ya ni sa'a ja nuu toto ma, te ni too ndute,
te ni nduu toto ma in nuu ni ka ji'i ñayii ñuu ya ma ndute ma.
Currently Selected:
Salmos 114: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
