Popular Bible Verses from Salmos 113

Share

Ndaka o na jin ndachiñu'u Iya Tátnuni ma. Onde ñayii ka iyo ichi nuu kána kandii ma, onde ñayii ka iyo ichi nuu kée kandii ma, na jin ndachiñu'u tna i ya ndaka ora.

Te ña'a ñatuu nama ni kúu koo sa'ya ña ma, te sa'a ya ja ndusii ini ña ja iyo ña ne'un sa'ya ña ma. ¡Jayiñu'u kóo nuu Iya Tátnuni ma! ¡Aleluya!

Te onde ñayii kúnda'vi kúkee ma ja kuenda tnu'u ja ne'un ñuyaka‑nka ma iyo i ma chi kuu ndone'e ya i ja kuatniñu ya i. Te onde ñayii jani ini ja másu nde jiniñu'u‑ka i ma vaa másu nawa neva'a kuiti i ma chi kuu ndone'e ya i ja kuatniñu ya i