Salmos 112
112
Salmo 112
Sukan ní'i tná'a ñayii sa'a sukan játna ini Su'si ma
1¡Naka vii naka va'a kúu ñayii yu'u Su'si ma
te ñatuu sa'a‑ka i ja u'vi ma!
Te sii ini xeen iyo i ja sa'a i sukan tátnuni ya ma.
2Te sa'ya tata i ma, jin ko kuu i ñayii ka tatnuni ñuu ñayivi a.
Vaa sa'ya tata ñayii iyo ndaa nuu Su'si ma ka kuu i,
te maa ya chi skuta'vi ya i ja vii ja va'a ma.
3Te ko ni'i ko tna'a i ja koneva'a i ve'e i ma,
te nuu ya ma ndimaa ko sa'a i ja va'a ja ndaa.
4Te ko kuu i ñayii kuee ini, ñayii nda'vi ini,
te ko sa'a i ja ndaa ma.
Te kuenda tnu'u ja in ñu'u xtnuu nuu nee ma ko kuu i
nuu ñayii ka sa'a ja va'a ja ndaa ma.
5Ñayii sa'a ja va'a ma te nda'vi ini i ma,
te wanuu i nawa jiniñu'u in‑ka ñayii ma,
chi kuu i kuatniñu va'a i nawa neva'a i ma.
6Te ja sukan sa'a i ma, te masu skenaa i maa i nuu Su'si ma,
te ndimaa jin ko ndaka'án ñayii maa i, ja ni yo sa'a i ja va'a ma.
7Te másu koyu'u i, visi na kenda tnundo'o tnuneni nuu iyo i ma,
vaa ini anua i ma chi kúkanu ini i Su'si ma,
te nuu maa in‑ni ya kúkanu ini i.
8Vaa jito va'a Su'si ma anua i ma, te másu nawa koyu'u i,
onde kenda kivi kuni i sukan jin ndo'o jin neni ñayii
ñatuu ka kunimani nuu i ma.
9Wa'a i nawa jiniñu'u ñayii nda'vi ma,
te sa'a i ja ndaa ni‑kani ni‑jika,
te ja sukan kúu sa'a i ndaka ma, te koo jayiñu'u i ma.
10Te kuni ñayii sa'a ja u'vi ma, te ûni ndakiti xeen ini i,
te ûni ndakaa ndi'i i nu'u i, te xnaa i maa i.
Ja ñu'u ini ñayii sa'a ja u'vi ma ja sa'a i ma
chi másu ko kuu sukan jani ini i ma.
Currently Selected:
Salmos 112: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
