Mashitanguti 8
8
Bunde bwa butali
1 #
Mash 1.20-21
A mu teeleze! Butali bwa biza.
Kutwisiso ni yona ya ikutwahaza.
2Butali bu fahalimw'a malundu
a kwatukw'a nzila,
bu yemi ni fa maanganandila.
3Bu biza bu nze bu li kwa makenelo
a munzi,
ni kwatuko a minyako bu li,
4“Ni biza mina batu kamukana.
Ni biza mutu kaufela ya fafasi.
5Ha mu si ka hula, nji?
Mu itute ku ba ba bahulu.
Mu likuba, nji?
Mu itute ku ba ni ngana.
6Mu teeleze kwa manzwi a ka a mande
ka ku fitisisa.
Ze ni mi bulelela kaufela li lukile.
7Se ni bulela ki niti.
Ni toile buhata.
8Se ni bulela kamukana ki niti.
Ha ku na sa buhata
kamba se si kelusa mwateñi.
9Ku mutu ya lemuha lika, za utwahala.
Ku ya na ni kutwisiso,
li utwahala hande.
10Mu kete lituto za ka ku fita silivela.
Mu kete zibo ku fita gauda ye nde.
11 #
Litu 24.1-22
“Ki na butali bo bu fita macwe
a butokwa.
Ha ku na se mu ka ni likanya ni sona
ku ze mu bata.
12Ki na butali, mi ni lemuha lika.
Ni na ni zibo ni taluhanyo ya lika.
13Ku saba Muñ'a Bupilo ki ku toya
bumaswe.
Ni toile buikuhumuso ni muipo,
mikwa ye maswe ni manzwi a buhata.
14Na lela, mi ni eza ze ni lelile.
Ni na ni kutwisiso, mi ni na ni maata.
15Ni tusa malena mwa puso ya bona,
ni babusi ku toma milao ye minde.
16Mubusi kamukana ya fafasi u busa
ka tuso ya ka.
Ni tusa cwalo manduna
ni ba ba kutekeha kamukwaoswana.
17Ni lata ba ba ni lata.
Ufi ni ufi ya ni bata u ta ni fumana.
18Bufumu ni ku kutekeha li fumanwa
ku na,
ni bona buipumaneli ni zwelopili cwalo.
19Ze mu fumana ku na ki ze nde
ku fita gauda ye kenisizwe,
ku fita silivela luli.
20Ni zamaya mwa nzila ya ba ba lukile.
Ni libile mwa linzila za niti.
21Ni zamaya, ni fa ba ba ni lata
bufumu,
ni ku taza mandu a bona ka tutu.
22 #
Sin 3.14;
Litu 1.4,9 “Muñ'a Bupilo u bupile na pili,
wa pili mwa misebezi ya hae,
koo kwakale.
23Ni ezizwe i sa li kwa makalelo luli,
kwa makalelo,
pili lifasi li si ka kalwa.
24Ni bupilwe pili mawate
a si ka ba teñi,
ku si ka ba ni mawelu-welu a mezi
a mañata.
25Ni bupilwe malundu
a si ka ba teñi kale,
pili malundunyana a si ka tomiwa
mwa libaka za ona.
26Ni bupilwe pili Mulimu a si ka eza
lifasi ni mabala a lona,
kamba mubunyana wa makalelo.
27 #
But 9.9; Litu 24.3-6 Ne ni li teñi h'a beya lihalimu
mwa sibaka sa lona,
h'a eza milulwani ya mawate.
28Ne ni li teñi
h'a beya malu mwa lihalimu,
h'a kwalula mawelu-welu a mawate.
29Ne ni li teñi
h'a laela mezi a mawate
kuli a si ke a tala ku fita
mw'a n'a bulelezi.
Ne ni li teñi
h'a beya mitomo ya lifasi.
30Ne ni li kwatuko a hae sina muyahi.
Ne ni mu tabisa ka zazi ni zazi,
ni nze ni tabile ka nako kaufela
fapil'a hae,
31Ne ni tabiswa ki lifasi
ni ku tabiswa ki batu.
32 #
Litu 14.20-27
“Cwale, mina ba banca,
mu ni teeleze.
Mu eze ze ni bulela mi mu ta taba.
33Mu utwe ze mu lutiwa.
Mu be ni butali,
mi mu si ke mwa bu tuhela.
34Mutu ya ni teeleza
u ta ba ni litohonolo,
mutu ya ina kwa munyako wa ka
zazi ni zazi,
a nz'a litezi kwa makenelo a ndu
ya ka.
35Mutu ya ni fumana u fumani bupilo,
mi Muñ'a Bupilo u ta mu tabela.
36Mutu ya sa ni fumani wa ikolofaza
ili yena.
Mañi ni mañi ya ni toya u lata lifu.”
Lozi Interconfessional Bible, Catholic Edition © Bible Society of Zambia, 2009.