Isaya 6
6
Mulimu u biza Isaya ku ba mupolofita
1 #
2 Male 15.7; 2 Lita 26.23 Mwa silimo s'a shwile Mulena Oziasi, na bona Muñ'a Bupilo. N'a inzi fa lubona lwa hae lo lutelele, lu pahamisizwe, mi siapalo sa hae ne si tala mwa Tempele kaufela. 2N'a beilwe mwahali ki libupiwa ze swana ni mangeloi, ze na ni mafufa a silezi se siñwi ni se siñwi. Sibupiwa se siñwi ni se siñwi ne si ikwahela ka mafufa a mabeli kwa pata, ka a mabeli kwa mautu, mi ne si fufa ka a mabeli. 3#Sin 4.8 Ne li nze li bizana, li li,
“U kenile, u kneile, u kenile!
Muñ'a Bupilo ya Maata Kaufela
u kenile!
Kanya ya hae i taza lifasi.”
4 #
Sin 15.8
Mulumo wa manzwi a zona wa nyanganyisa mitomo ya tempele, mane ni yona Tempele kasibili ya tala musi.
5Na li, “Ha ku sa na tuso ku na! Ni maibile! Linzwi le li zwa mwa mulomo wa ka kaufela li tezi sibi, mi ni pila mwahal'a batu ba ba bulela manzwi a tezi sibi ni a si ka kena kaufel'a ona. Mi cwale, ni boni Mulena Muñ'a Bupilo ya Maata Kaufela ka meeto a ka luli.”
6Cwale se siñwi sa libupiwa sa fufela ku na, si lwezi lishala le li tuka le ne si ngile kwa katala ka lumangato. 7S'a t'o ni swala kwa milomo ka lishala le li tuka, sa li, “Se, si ngunyutile milomo ya hao. Cwale, mulatu wa hao u felile, mi libi za hao li swalezwi.”
8Kiha ni utwa Mulena h'a li, “Ni ta luma mañi? Ya ta ba mulumiwa wa luna ki mañi?”
Na alaba, na li, “Luma na! Ni ta ya!”
9 #
Mat 13.14-15; Mar 4.12; Luk 8.10; Joa 12.40; Lik 28.26-27 Cwale a ni bulelela ku y'o taluseza sicaba taba ye, “Niha mu ka teeleza cwañi ni cwañi, ha ku na tuso. Ha mu na ku utwisisa. Niha mu ka talima cwañi ni cwañi, ha ku na tuso. Ha mu na ku ziba se si ta ezahala.” 10Cwale kih'a li ku na, “Eza mihupulo ya batu ba kuli i zizibale, lizebe za bona li tibane mi meeto a bona a foufale, kuli ba si ke ba bona, ba si ke ba utwa kamba ku ba ni kutwisiso. Kabesicwalo, mwendi ne ba ka sikuluhela ku na mi ba foliswa.”
11Na buza, na li, “Mulena, ku ta nga nako ye kuma kai ku fitela ba ta lumela ku teeleza?”
A alaba, a li, “Ku fitela minzi i sinyeha ni ku felelela. Ku fitela mandu a siyala mukungulu. Ku fitela naha kasibili i shandauka mi i ba matota. 12Ni ta isa batu kwahule, ili ku eza naha ye kaufela litota. 13Mwahal'a batu ba lishumi niha ku ka siyala a li muñwi feela mwa naha, ni yena u ta bulaiwa. U ta swana ni sisindimwa sa kota ye lemilwe, kono sisindimwa seo niha ne si lemilwe sa shoshela hape.”
Lozi Interconfessional Bible, Catholic Edition © Bible Society of Zambia, 2009.