Isaya 4
4
1Nako yeo ha i se i fitile, basali ba supile ba ta swala munna a li muñwi, mi ba li, “Lwa kona ku ikuta ni ku itinisa ili luna, kono u lu lumelele kuli lu ku bize munn'a luna, kuli lu si ke lwa ba ni maswabi a ku pila bunamukuka.”
Jerusalema u ta tomwa sinca
2Nako ya taha foo Muñ'a Bupilo a ta melisa ni ku hulisa limela ni likota mwa naha, kuli li be ze tuna, ze nde, ze kateleha. Batu ba Isilaele kaufela ba ba sa pila ba ta ikuhumusa ni ku tabela ze meliswa ki naha. 3Mutu kamukana ya siyezi mwa Jerusalema, ya ketilwe ki Mulimu kuli a pile, u ta bizwa ya kenile. 4Ka maata a hae, Muñ'a Bupilo u ta atula ni ku kenisa sicaba ni ku tapisa lifoso za Jerusalema, hamohocwalo ni mali a suluhezi mwateñi. 5#Mut 13.21; 24.16 Cwale fa Lilundu la Sione ni ku bona ba ba kopani moo, Muñ'a Bupilo u ta tisa lilu musihali, ni ku tisa musi ni liseli le li benya busihu. Bulena bwa Mulimu bu ta apesa ni ku sileleza munzi kaufela. 6Maata a hae a ta kwahela munzi ku u sileleza kwa ku cisa kwa lizazi, ni ku u eza sibaka sa buiketo se si takelelizwe kwa liñungwa ni pula.
Lozi Interconfessional Bible, Catholic Edition © Bible Society of Zambia, 2009.