Revelashon 8
8
E di shete seyo
1Ora e Lamchi a kibra e di shete seyo, a bira ketu den shelu pa mas o ménos mei ora. 2E ora ei mi a mira e shete angelnan ku ta para dilanti di Dios.#Tobit 12:15 A duna nan shete tròmpèt.
3Un otro angel a bai para ku un skalchi di sensia di oro na e altá. El a haña hopi sensia ku ta hole dushi, ku e mester a ofresé riba e altá di oro dilanti di e trono,#Éksodo 30:1,3; Amos 9:1 huntu ku e orashonnan di tur esnan ku ta pertenesé na Dios.#Salmo 141:2; Revelashon 5:8 4Huma di e sensia ku e angel tabata ofresé, a subi huntu ku e orashonnan ei dilanti di Dios. 5E angel a kohe e skalchi di sensia, yen'é ku kandela di e altá i bent'é riba mundu.#Levítiko 16:12; Ezekiel 10:2 A sigui klapmentu i ronkamentu di bos,#Éksodo 19:16; Revelashon 11:19; 16:18 rayo di welek i un temblor.
E promé seis tròmpètnan
6E shete angelnan ku e shete tròmpètnan a prepará nan pa supla tròmpèt.
7Esun promé a supla tròmpèt. A benta pipita di eis i kandela,#Éksodo 9:23-25; Ezekiel 38:22; Sabiduria 16:16 mesklá ku sanger, riba mundu. Un terser parti di mundu a kima, un terser parti di palu a kima, i tur yerba bèrdè a kima.
8E di dos angel a supla tròmpèt. Tabata komo si fuera a benta un seru grandi tur na kandela den laman. Un terser parti di laman a bira sanger,#Éksodo 7:17-21 9un terser parti di tur loke ta biba den laman a muri, i un terser parti di e barkunan a noufragá.
10Ora e di tres angel a supla tròmpèt, un strea grandi, ku tabata kima manera un antorcha, a kai for di shelu.#Isaías 14:12 El a kai riba un terser parti di riu i riba bròn di awa. 11Nòmber di e strea ta Amargura. Un terser parti di e awa a bira marga, i hopi hende a muri pa motibu di e awa ku a bira marga.#Yeremías 9:15; 23:15
12Ora e di kuater angel a supla tròmpèt, un terser parti di solo, di luna i di strea a keda afektá. Un terser parti di nan a bira skur,#Éksodo 10:21-23; Isaías 13:10; Ezekiel 32:7; Yoel 2:10,31; 3:15; Sabiduria 17:2-20 di manera ku no tabatin klaridat durante un terser parti di dia ni durante un terser parti di anochi.
13Mi a mira un águila ta bula altu den laria i mi a tend'é grita: ‘Ai, ai! Ai di e habitantenan di mundu ora tròmpètnan di e angelnan ku mester bini ainda zona!’
Currently Selected:
Revelashon 8: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
