Revelashon 7
7
E 144.000 sirbidónan di Dios na mundu
1Despues mi a mira na e kuater skinanan di mundu kuater angel pará, ku tabata dominá e kuater bientunan di mundu,#Yeremías 49:36; Daniel 7:2; Zakarías 6:5 di manera ku bientu lo no a supla riba tera òf laman òf dor di kualke palu. 2Mi a mira un otro angel subi for di ost ku e seyo di e Dios bibu. El a grita duru bisa e angelnan ku a haña poder pa hasi daño na tera i laman: 3‘No hasi daño na tera, laman i e palunan, promé ku nos pone e seyo riba frenta di e sirbidónan di nos Dios.’#Ezekiel 9:4,6 4I mi a tende ku e kantidat di esnan ku a haña e seyo tabata 144.000 i ku nan tabata bini for di tur tribu di pueblo di Israel: 512.000 for di tribu di Huda, 12.000 for di tribu di Ruben, 12.000 for di tribu di Gad, 612.000 for di tribu di Asher, 12.000 for di tribu di Naftali, 12.000 for di tribu di Manase, 712.000 for di tribu di Simeon, 12.000 for di tribu di Levi, 12.000 for di tribu di Isakar, 812.000 for di tribu di Zebulon, 12.000 for di tribu di Jozef i 12.000 for di tribu di Benhamin, ku a haña e seyo.
E multitut grandi den shelu
9Despues mi a mira un multitut grandi; ningun hende no por a konta nan. Nan tabata di tur rasa, tribu, pueblo i idioma i a pone nan para dilanti di e trono i dilanti di e Lamchi, bistí na paña blanku i ku rama di palma den nan man. 10Nan a grita duru:
‘Salbashon ta bini di nos Dios
ku ta sintá riba e trono,
i di e Lamchi.’
11Tur angel tabata pará rondó di e trono, rondó di e ansianonan i di e kuater sernan; nan a kai na rudia dilanti di e trono adorá Dios 12bisando:
‘Amèn! Alabansa, gloria i sabiduria,
danki i honor,
poder i forsa
ta pertenesé na Dios
te den tur eternidat!
Amèn!’
13E ora ei un di e ansianonan a puntra mi: ‘E hendenan bistí na blanku, ken nan ta, i di unda nan ta bini?’ 14‘Ami no sa, mi shon,’ mi a kontestá, ‘pero abo sa.’ El a bisa: ‘Esakinan ta esnan ku a pasa den opreshon grandi.#Daniel 12:1; Mateo 24:21; Marko 13:19 Nan a laba nan pañanan i a hasi nan blanku dor di purifiká nan ku sanger di e Lamchi.#Huan 1:29; 1 Huan 1:7
15P'esei nan ta para dilanti di trono di Dios
i ta sirbiÉ di dia i anochi den su tèmpel.
Esun ku ta sintá riba e trono,
lo biba serka nan i protegé nan.
16Nunka mas nan lo no sufri ni hamber ni set,
solo lo no kima nan,
kalor lo no tormentá nan,#Salmo 121:6; Isaías 49:10
17pasobra e Lamchi meimei dilanti di e trono
lo ta nan wardadó,#Salmo 23:1; Ezekiel 34:23; Huan 10:1-16
i E lo hiba nan na fuente
di e awa ku ta duna bida;#Salmo 23:2; Isaías 49:10; Huan 4:10; 7:37
i Dios mes lo seka tur lágrima na nan wowo.’#Isaías 25:8; Revelashon 21:4
Currently Selected:
Revelashon 7: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
