Revelashon 5
5
E ròl i e Lamchi
1E ora ei mi a mira den man drechi di Esun sintá riba e trono un ròl, skibí di paden i di pafó#Isaías 29:11; Ezekiel 2:9-10; Zakarías 5:1 i seyá ku shete seyo. 2Mi a mira un angel poderoso ku a grita duru: ‘Ken ta digno di kibra e seyonan i habri e ròl?’ 3Pero ningun ser den shelu òf na tera òf bou di tera tabata kapas di habri e buki i wak aden. 4Mi a grita yora, pasobra ningun hende no tabata digno di habri e buki wak aden. 5Pero un di e ansianonan a bisa mi: ‘No yora! E leon for di tribu di Huda,#Génesis 49:9 desendiente di David,#Isaías 11:1,10 a triunfá:#Huan 16:33; Revelashon 3:21 e mag kibra e shete seyonan i habri e ròl.’
6E ora ei mi a mira meimei dilanti di e trono, rondoná pa e kuater sernan i e ansianonan, un Lamchi pará. Tabata komo si fuera a mat'É#Isaías 53:7 i E tabatin shete kachu i shete wowo.#Zakarías 4:10 E wowonan ta e shete spiritunan di Dios, ku a keda mandá rònt mundu. 7E Lamchi a yega serka i a tuma e buki for di man drechi di Esun sintá riba e trono. 8Ora e Lamchi a tuma e ròl, e kuater sernan i e 24 ansianonan a kai abou su dilanti; kada un tabatin un arpa den su man i skalchi di oro yen di sensia ku ta hole dushi; esei ta orashon di e esnan ku ta pertenesé na Dios.#Salmo 141:2; Revelashon 8:3 9I nan tabata kanta un kantika nobo:#Salmonan 33:3; 98:1; Isaías 42:10
‘Bo ta digno di tuma e ròl
i kibra su seyonan.
Pasobra a mata Bo i ku bo sanger
Bo a kumpra hende liber pa Dios
for di kada tribu i idioma,
for di kada pueblo i rasa.
10Bo a hasi nan un reino,
saserdote ku ta sirbi nos Dios,#Éksodo 19:6; Revelashon 1:6; 20:6
i nan lo goberná riba mundu.’
11Miéntras mi tabata mira, mi a tende stèm di numeroso angel rondó di e trono i di e sernan i di e ansianonan; nan tabata míles i míles, sí, miónes i miónes;#Daniel 7:10 12i nan tabata grita duru:
‘E Lamchi ku a keda matá,#Huan 1:29; 1 Korintionan 5:7 ta digno
di risibí e poder,
rikesa, sabiduria i forsa,
honor, gloria i alabansa.’
13I mi a tende tur kriatura den shelu i na tera, bou di tera i den laman, sí, tur kriatura den universo kanta:
‘Na Esun sintá riba e trono
i na e Lamchi
alabansa i honor, gloria i forsa
ta pertenesé te den tur eternidat.’
14I e kuater sernan a kontestá: ‘Amèn!’ i e ansianonan a hinka rudia pa adorá.
Currently Selected:
Revelashon 5: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
