Revelashon 15
15
E shete angelnan ku e delaster plaganan
1E ora ei mi a mira un otro señal grandi i asombroso na shelu. Mi a mira shete angel ku e shete delaster plaganan. Ku esei ira di Dios a yega na su fin.
2E ora ei mi a mira algu ku tabata parse un laman di glas mesklá ku kandela. Tambe mi a mira esnan ku a triunfá riba e bestia i su imágen i riba e number di su nòmber. Nan tabata pará riba e laman di glas i nan tabatin arpa ku Dios a duna nan. 3Nan tabata kanta e kantika di Moises,#Éksodo 15:1-18 sirbidó di Dios, i e kantika di e Lamchi:
‘Señor, Dios Todopoderoso,
grandioso i impreshonante ta bo obranan!
Bo kamindanan ta hustu i konfiabel,
Rei di tur pueblo.
4Ken lo no tin rèspèt di Bo, Señor,
i keda sin honra bo nòmber?#Yeremías 10:7
Pasobra ta Bo so ta santu!
Tur nashon lo bini
pa adorá Bo,#Salmo 86:9
pasobra bo echonan hustu
ta visibel pa tur hende awor.’
5Despues mi a mira ku den shelu e tèmpel, e tènt sagrado di Dios, a habri.#Éksodo 38:21 6E shete angelnan ku e shete plaganan a sali for di tèmpel. Nan tabatin paña blanku di puru lenen bistí i na nan pechu nan tabatin un faha di oro. 7Un di e kuater sernan a duna e shete angelnan shete skalchi di oro, yen di rabia di Dios, Dios ku ta biba te den tur eternidat. 8E ora ei tèmpel a yena ku huma#Éksodo 40:34; 1 Reinan 8:10-11; 2 Krónikanan 5:13-14; Isaías 6:4 pa motibu di gloria di Dios i pa motibu di su poder, i ningun hende no por a drenta tèmpel, promé ku a bini un fin na e shete plaganan di e shete angelnan.
Currently Selected:
Revelashon 15: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
