Revelashon 13
13
E dos bestianan
1Mi a mira un bestia#Daniel 7:3 sali for di laman. E tabatin dies kachu i shete kabes; riba kada kachu tabatin un diadema, i riba su kabesnan tabatin nòmber ku ta blasfemá Dios, skibí.#Revelashon 17:3,7-12 2E bestia ku mi a mira tabata parse un leopardo. Su patanan tabata manera pata di oso i su boka tabata parse boka di leon.#Daniel 7:4-6 E dragon a duna e bestia su forsa, su trono i su poder grandi. 3Un di su kabesnan tabata parse mortalmente heridá, pero e herida mortal a kura. E ora ei yen di atmirashon henter mundu a bai tras di e bestia, 4i nan a adorá e dragon, pasobra el a duna e bestia poder. Nan a adorá e bestia tambe i bisa: ‘Ken ta igual na e bestia? Ken por kuminsá bringa kuné?’
5E bestia a haña oportunidat pa papia kos di sobèrbè, pa blasfemá Dios i pa ehersé poder durante 42 luna. 6E ora ei e bestia a kuminsá blasfemá Dios,#Daniel 7:8,25; 11:36 Dios su lugá di biba i esnan ku ta biba einan den shelu. 7Tambe a dun'é oportunidat pa bringa ku esnan ku ta pertenesé na Dios i derotá nan;#Daniel 7:21 ademas a dun'é poder riba kada tribu i pueblo, riba kada idioma i rasa. 8Tur habitante di mundu lo ador'é, tur ku nan nòmber no ta skibí for di kreashon di mundu den e buki di bida,#Salmo 69:28; Revelashon 3:5 buki di e Lamchi matá.
9Es ku tin orea, tende:
10Esnan destiná pa bai den prizòn,
lo keda kohé prezu.#Yeremías 15:2; 43:11
Esnan destiná pa muri morto di spada,
lo keda matá ku spada.
Aki ta konta: perseveransia i fe di esnan ku ta pertenesé na Dios.
11E ora ei mi a mira un otro bestia. Esaki a sali for di tera. E tabatin dos kachu manera un lamchi, i tabata papia manera un dragon. 12Tur poder di e promé bestia e ta ehersé den su nòmber. E ta hasi ku mundu i su habitantenan ta adorá e promé bestia, di kua e herida mortal a kura. 13E ta hasi señal grandi; den bista di tur hende e ta laga asta kandela baha for di shelu riba tera. 14E ta gaña e habitantenan#Mateo 24:24; 2 Tesalonisensenan 2:9-10 di mundu pa medio di e señalnan ku e ta hasi den nòmber di e bestia. E ta kalanchá e hendenan pa nan lanta un imágen na honor di e bestia ku a keda heridá pa medio di spada, pero ku a keda na bida. 15E di dos bestia a haña poder pa supla rosea di bida den e imágen akí, di manera ku e por a papia i mata tur hende ku no ker a adorá e imágen. 16E ta sòru pa tur hende, grandi i chikitu, pober i riku, katibu i liber, haña un señal riba nan man drechi òf riba nan frenta; 17ningun hende ku no por kumpra ni bende nada si e no ta karga e señal ei, esta nòmber di e bestia òf number di su nòmber. 18Aki ta sabiduria ta konta. Esun ku ta inteligente, por kalkulá kiko number di e bestia ta nifiká, pasobra ta number di un hende. Su number ta 666.
Currently Selected:
Revelashon 13: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
