Revelashon 12
12
E muhé i e dragon
1Un señal grandi a aparesé na shelu: un muhé bistí ku solo, bou di su pia luna i riba su kabes un korona di diesdos strea. 2E tabata na punto di duna lus, i e dolónan di parto tabata pon'é grita. 3A aparesé un otro señal mas na shelu: un dragon grandi kòrá kòrá ku shete kabes i dies kachu#Daniel 7:7 i riba kada kabes un diadema. 4Ku su rabu el a bari kita un terser parti di e streanan na shelu, i a benta nan riba tera.#Daniel 8:10 E dragon tabata pará dilanti di e muhé, pa devorá su yu asina e yu nase. 5E muhé a duna lus na un yu, un yu hòmber,#Isaías 66:7 destiná pa goberná tur nashon ku bara di heru.#Salmo 2:9 Pero a hiba su yu lihé serka Dios i a pon'é riba trono di Dios. 6E muhé a hui bai den desierto, kaminda Dios a sòru pa un plèki kaminda lo a kuida e muhé 1260 dia.
7E ora ei guera a kuminsá den shelu. Mikael#Daniel 10:13,21; 12:1; Hudas 9 i su angelnan a bringa ku e dragon. E dragon i su angelnan a bringa bèk, 8pero nan a keda derotá. No por a haña nan mas den shelu, 9pasobra a benta e dragon grandi for di shelu, esta e kolebra bieu,#Génesis 3:1 tambe yamá diabel òf Satanas ku ta gaña henter mundu. A bent'é huntu ku su angelnan riba tera.#Lukas 10:18 10I mi a tende un stèm den shelu bisa duru:
‘Awor salbashon di Dios a bini,
su poder i su reinado
i e outoridat di su Mesias.
Pasobra a benta e akusadó di nos rumannan,#Job 1:6-12; Zakarías 3:1
esun ku ta keha nan di dia i anochi serka Dios,
for di shelu.
11Nos rumannan a vens'é pa medio di sanger di e Lamchi
i pa medio di e mensahe ku nan a duna testimonio di dje.
Nan no tabata pegá na nan bida,
pero dispuesto pa muri.
12P'esei, shelu i boso ku ta biba einan,
alegrá boso!
Pero ai di boso, tera i laman,
pasobra diabel a baha bini serka boso,
yen di rabia,
pasobra e sa ku e tin tiki tempu.’
13Ora e dragon a realisá ku a bent'é riba tera, el a kuminsá persiguí e muhé ku a duna lus na e yu hòmber. 14Pero Dios a duna e muhé ala di e águila grandi pa e hui bai su plèki den desierto. Aya a kuid'é durante tres aña i mei fuera di alkanse di e kolebra.#Daniel 7:25; 12:7 15E kolebra a skupi un avalancha di awa mes grandi ku un riu, tras di e muhé, pa e awa lastr'é bai kuné. 16Pero tera a bin yuda e muhé: el a habri su boka guli e avalancha di awa ku e dragon a skupi for di su boka. 17Awor e dragon a bira furioso riba e muhé. El a bai pa bringa ku e otro yunan di e muhé, esta esnan ku ta kumpli ku e mandamentunan di Dios i ta keda tene na testimonio di Hesus. 18E dragon#12:18 E dragon; otro manuskrito tin: Mi a bai para na playa kantu di awa.
Currently Selected:
Revelashon 12: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
